Piccola Venezia - Ecomuseo e Agenda 21 Parabiago

Augusto Boldorini – Piccola Venezia - 38
Al Foog
Un tempu…… ta séva aduràa
pôo San Francesco al ta ciamàa fradel
e fursi-fursi tra i robi creàa
ta sé fra tuti ‘l pusèe beel.
Se a brusàa a l’è ‘na scépa
ti ta cuur su par la capa.
La fiama l’é viva, la s’ciopa,
la bala, la sôlta, la scapa.
La sa pisaa e la sa smorza
E la cambia da culur,
al par fina ca la sa sforza
par paré un grand attur.
Par guardati o par sculdas
o par stàa in to cumpagnia
a l’è sée avicinaas
ca ta meti alegria.
Cunt la moja a movi ‘l grôogn
e ma par da vivi un sôogn.
Sa sulevan tanti lighéer
e cunt lurr anca i penseer
Vulan via…van luntaan.
e alura a slunghi i maan
quasi-quasi ad abrasciati
quasi-quasi a saludati
e a diti “Ta ma sculta?”
Ti ta sé ‘l migliur amis,
ta sé l’unic ca ma scolda
anca quand ta sé pù piss.
A.B.