Piccola Venezia - Ecomuseo e Agenda 21 Parabiago

Augusto Boldorini – Piccola Venezia - 30
Al Prim Basin
Al prim basin;
mi al speci anmò
tant me la mana.
Si, adess cunt i ogii,
quant ta ma guarda
al par ta ma caressa
e pò ta ma bauscia
la faccia e la camisa
intant che la too maan
la tira e la sgrabela.
Certu, capissi, l’è ciar!
ta ma voeur been.
Ma l’è non anmò un basin.
Mi ‘l ciapi cume tal
e intant t’an fò dusent.
Oh… ma quel dì
che all’impruis
ta ma disarèe:
“Nonu ta fô un basin”
ma te da dil inscì
cume adess a l’ho dii mi.
Alura par mi al sarà
al dì pusè bell
e avrò tucaa
cont un dii al ciel.
Al tô nonu.