Piccola Venezia - Ecomuseo e Agenda 21 Parabiago

Augusto Boldorini – Piccola Venezia - 24
Per Marco
Sta sira gh’è trambust in la tò caa;
vegnani i noni, i zii, i amis e i tò cusiti;
in chi par ti ca ta sé al festegiaa,
in chi parchè in co t’hann batezaa.
In gésa ta guardévi
e vedevi ‘l tò facin
illumina d’argentu.
I ogi sbarataa
girevan da chi e da là
cume a cercà un queicoss.
Fursi l’era la vus di àngiar
ca ta ciamevan par diti:
Marco cume ta sé bell !
Bello, bello cume nuu.
E po par fati ridi
ta cantevan una canzun.
Intant ca usservevi
a ma ciapà un sogn;
un sogni a ogi verti;
e cunt la fantasia
a sem sguràa luntan,
mi e ti, in cumpagnia.
Ma pareva da videti,
a cur in mezz ai praa
tra l’erba verda e una rungeta,
i cavei biondi tuti spetinaa,
giugà la bala
e fa ‘na piruleta.
28.11.1993