la legislazione suntuaria. secoli xiii-xvi. emilia-romagna - Direzione ...

Bologna 61
cundum formam infrascriptorum statutorum, ordinum seu provisionum, videlicet
statuti, ordinis vel provisionis posite in statuto comunis sub rubrica «Ordo de vestimentis
et ornamentis dominarum» et secundum formam ordinis et statuti que sunt
in quarto libro statutorum comunis Bononie loquentium de vestibus dominarum
et de caudis et reliquis frixiis et coronis, ghirlandis, fribaglis, perlis, gemmis, sponsis
et sponsabus, quorum unum est sub rubrica «De pena dominarum portantium vestes,
coronas de perlis et frixiis vel gramitas vel fibraglas contra formam huius statuti
et de pena sartorum et aurificum venientium contra formam huius statuti» et
aliud est sub rubrica «De pena eius qui portaverit donaria alicui sponse» et aliud est
sub rubrica «Quod ultra viginti homines non possit aliquis ducere ad aliquam disponsandam»
et aliud est sub rubrica «Quod ex parte mulieris que debuerit disponsari
non habeantur ultra viginti homines» et aliud est sub rubrica «Quod ultra viginti
homines non invitentur alicui desponsationi» et aliud est sub rubrica «Quod
nullus ad desponsationem accedat nisi fuerit invitatus» et aliud est sub rubrica «De
scribendis hiis qui debuerint interesse desponsationi» et aliud est sub rubrica «De
nive vel remulo vel aliis rebus prohibitis habere tempore desponsationis et percussionibus
prohibitis» infrascriptis diebus festivis per civitatem Bononie et ecclesias
dicte civitatis secundum formam dictorum statutorum, ordinamentorum et provisionum
contra omnes et singulas personas que contra predicta vel aliquod predictorum
facerent vel fecissent in aliqua parte dictorum statutorum, ordinum et provisionum
vel alicuius eorum.
Hii sunt testes examminati die dominico kalendarum maii super dicta inquisitione
ad ecclesiam Sancti Francischi de Bononia.
Albertus Iacomini cappelle Sancti Ysaie testis iuratus de veritate dicenda, examminatus
super dicta inquisitione diligenter, dixit se nichil scire de contentis in ea.
Michelinus Michelis cappelle Sancti Leonardi testis iuratus de veritate dicenda,
examminatus super dicta inquisitione sibi lecta, dixit se nichil scire de contentis
in ea.
Bencivennis Albertini cappelle Sancte Lucie testis iuratus dicere veritatem, die
predicta ante dictam ecclesiam examminatus super dicta inquisitione sibi lecta, dixit
se inde nichil scire.
Semprebene domini Alberti cappelle Sancti Andree testis iuratus dicere veritatem,
die predicta ad ecclesiam Sancti Dominici de Bononia examminatus super
dicta inquisitione sibi lecta, dixit se nichil inde scire.
Ventura Iohannis cappelle Sancti Bartoli testis iuratus dicere veritatem, die predicta
ad ecclesiam Sancti Dominici predicti examminatus super dicta inquisitione
sibi lecta, dixit se nichil scire de contentis in ea.
Die dominica octava maii.
Iannellus Dondidei cappelle Sancti Iorii testis iuratus dicere veritatem, ad ecclesiam
Sancti Petri de Bononia examminatus super dicta inquisitione sibi vulgariçata,
dixit se nichil scire de contentis in ea.
Bectinus ser Iacomi Spiglati cappelle Sancti Georgii testis iuratus dicere veritatem,
ad dictam ecclesiam examinatus super dicta inquisitione ei exposita, dixit se
nichil scire de contentis in ea.