la legislazione suntuaria. secoli xiii-xvi. emilia-romagna - Direzione ...

60 Legislazione suntuaria
heredes seu proximiores defunti tunc possint et debeant sociari solum per predictas
personas exceptatas que possunt comedere cum eisdem et per decem proximiores
vicinos, pena et banno cuilibet facienti contra predicta vel aliquo predictorum et
quociens fuerit contrafactum vigintiquinque librarum bononinorum, de quibus
omnibus et singulis dominus potestas et sua familia teneatur et debeat inquirere et
inquiri facere ad suum arbitrium et voluntatem et contrafacientes dicta pena punire,
et quod ministrales contractarum teneantur contrafacientes denunctiare domino
potestati vel sue familie et specialiter notario ad hoc deputato, pena et banno cuilibet
ministrali qui non denunctiaverit decem librarum bononinorum, et quod dominus
potestas faciat observari statutum quod est in quarto libro sub rubricha «De
penis plorantium».
Item placuit quasi toti conscilio facto partito per dictum dominum Iacobum de
sedendo ad levandum et postmodum ad scrutinium cum fabis albis et nigris datis,
restitutis et numeratis ut supra dictum est placuit ponentibus fabas albas qui fuerunt
ducentioctuagintaquinque quod posta sive propoxitio que loquitur de mortuis
que incipit «Cum inhonestum sit luctus tempore crapulari et convivia facere et
inutilles ex hoc expense sequantur et inhoneste consuetudines inutilesque expense
sint radicitus extirpande, quid placet conscilio et masse populi quod si contingat
aliquam personam mori in civitate Bononie, burbis vel subburbiis nulla persona,
masculus vel femina, que non sit familiaris deffunte persone seu que non habitaverit
cum persona deffunta in eadem domo tempore mortis audeat vel presummat in
die mortis et die antecedenti vel postea usque ad octo dies comedere, exenia mittere
seu stare ad comedendum cum heredibus seu propinquioribus defunte persone
in domo deffunte persone vel alibi ubicunque exceptis ascendentibus et descendentibus
in infinitum deffunte persone seu suorum heredum ac eciam fratribus et sororibus
et primis» et cetera auctoritate presentis conscilii firma sit, valeat et teneat
et habeat plenum robur et effectui demandetur in omnibus et per omnia prout
scripta est et lecta fuit in presenti conscilio cum illis additionibus quas dominus
Schanabicus de Bannixiis legum doctor voluerit addere et quod ipse dominus Scanabicus
possit presentibus propositioni sive poste addere secundum quod ei videbitur
expedire et quod ipse addictiones per dictum dominum Scanabicum faciende
possint per me Albertum notarium scribi et poni in dicta propositione seu posta sine
pena non obstantibus aliquibus statutis, ordinibus et cetera, illi qui poxuerunt
fabas nigras in contrarium viginti numero extiterunt.
1300, maggio 1 - ottobre 2
Inquisizioni
Inquisitio contra dominas et sponsas et quosdam alios
Hec est inquisitio que fit et fieri intenditur ex officio nobilis et sapientis militis
domini Pini condam domini Stoldi de Rubeis de Florencia honorabilis potestatis
civitatis Bononie et eius familie et Cenni notarii et scribe ipsius ad hec deputati se-