la legislazione suntuaria. secoli xiii-xvi. emilia-romagna - Direzione ...

Bologna 57
Quod nullus ad desponsationem alicuius vadat, nisi fuerit invitatus.
Rubrica 24
Statuimus quod nullus de cetero ire vel accedere debeat vel esse ad aliquam desponsationem
faciendam, nisi fuerit invitatus per ipsum sponsum vel sponsam, vel
eius speciales nuntios, vel patrem vel matrem 25 vel alium vel aliam qui sit principalis,
vel ad quem videatur principaliter pertinere ipsa desponsatio, ratione alicuius
affinitatis vel parentele vel proximitatis vel vicinantie, sub pena et banno cuilibet
contrafacienti C 26 solidorum bononinorum.
De scribendis iis qui interesse debuerint desponsationi alicuius
Ordinamus quod nullus parvus vel magnus ire debeat ad desponsationem
alicuius sponse, vel pro parte sponsi vel pro parte sponse, ultra numerum XX
hominum predictum. Et qui contrafecerit puniatur et condempnetur in centum
solidis bononinorum pro quolibet et qualibet vice. Et quod quilibet sponsus vel
sponsa vel eius pater, frater, soror, avus vel avia vel propinquus aut affinis sponsi
vel sponse teneatur scribere et scribi facere et in scripturam publicam reducere
nomina et cognomina omnium illorum XX hominum, quos ad dictam
desponsationem invitaverit faciendam et secum ducere voluerit, antequam ad ipsa
sponsalia procedatur. Et dare nomina illorum quos secum ducere voluerit ad ipsa
sponsalia facienda ministrali sue capelle, silicet de capella unde fuerit sponsus et de
capella unde fuerit sponsa, infra tercium diem a die desponsationis sub pena et
banno centum solidorum pro quolibet sponso et qualibet sponsa et pro qualibet
vice qua contrafecerit.
24 Collazionato con:
1335. Statuti, Quod nullus ad desponsationem alicuius vadat, nisi fuerit invitatus. Rubrica.
1352. Statuti, Quod nullus ad desponsationem alicuius vadat, nisi fuerit invitatus. Rubrica.
1357. Statuti, Quod nullus ad desponsationem alicuius vadat, nisi fuerit invitatus. Rubrica.
1376. Statuti, Quod nullus ad desponsationem alicuius vadat, nisi fuerit vocatus. Rubrica.
1389. Statuti, Quod nullus ad desponsationem alicuius vadat, nisi fuerit vocatus. Rubrica.
1454. Statuti, Quod nullus ad desponsationem alicuius vadat, nisi fuerit vocatus. Rubrica.
25 1376 omette vel matrem.
26 C] viginti 1376, 1389, 1454.