la legislazione suntuaria. secoli xiii-xvi. emilia-romagna - Direzione ...

Bologna 55
ad collum de auro vel argento, vel aliquid aliud loco affiblature, que affiblature sint
ad gonellam vel aliud vestimentum sive guarnachiam maioris valoris XX solidorum
bononinorum et ad guarnachiam maioris valoris XL solidorum bononinorum, habita
ratione prime extimationis affiblaturarum predictarum quando de novo facte fuerint.
Et quod nulla persona civis vel forensis audeat vel presumat componere ad aliquod
vestimentum alicuius domine civitatis Bononie vel comitatus aliquas affiblaturas
maioris extimationis et precii quam superius dictum est, pena et banno cuilibet
domine seu mulieri vel femine portanti affiblaturas aliquas contra predictam formam,
et pro qualibet vice, et cuilibet qui componeret aliquas affiblaturas contra predictam
formam X librarum bononinorum. Et de predictis dominus potestas teneatur
per se et suum notarium ad hoc deputatum inquirere per civitatem et comitatum, et
habeat arbitrium inquirendi, puniendi et condempnandi in predictis penis quoslibet
venientes seu contrafacientes contra formam huius statuti vel alicuius capituli eiusdem
non tamen possit absolvere. Et insuper teneatur potestas habere secretos denuntiatores
pro qualibet capella prout sibi videbitur de melioribus civitatis et burgorum.
Et dominus potestas teneatur infra quindecim dies ingressus sui regiminis predicta
facere preconizari per civitatem Bononie et burgos et quod dominus potestas et
dominus capitaneus, ançiani et consules procurent cum effectu cum venerabili patre
domino Bononiensi episcopo, quod in contrafacientes contra formam huius statuti
excomunicationis sententiam proferat, et ipsam excomunicationis sententiam per
singulas capellas dignetur facere publicari et denuntiare omni anno in festo nativitatis
Domini et in paschate resurretionis Domini et in festo omnium Sanctorum. Et
sit precisum in omni sui parte.
Quod ultra XX homines non possit aliquis ducere ad aliquam
desponsandam 13
Ordinamus quod quicumque desponsare voluerit de cetero aliquam in suam
sponsam et uxorem vel facere desponsari alicui suo filio, nepoti vel descendenti vel
collaterali per dationem seu impositionem anuli vel consensu, eciam sine anuli impositione,
non debeat secum ducere ad dictam desponsationem faciendam ultra XX homines
vel permittere secum venire 14 , pena et banno cuilibet contrafacienti, scilicet
sponso qui secum duxerit ultra dictum numerum seu patri vel avo sponsi, vel ei qui
13 Collazionato con:
1335. Statuti, Quod ultra viginti homines non possit aliquis ducere ad desponsandum
mulierem. Rubrica.
1352. Statuti, Quod ultra viginti homines non possit aliquis ducere ad desponsandum
mulierem. Rubrica.
1357. Statuti, Quod ultra viginti homines non possit aliquis ducere ad desponsandum
mulierem. Rubrica.
14 1335, 1352, 1357 aggiungono absque licentia domini potestatis quam concedere possit
considerata conditione personarum.