la legislazione suntuaria. secoli xiii-xvi. emilia-romagna - Direzione ...

54 Legislazione suntuaria
De pena portantium vestes, caudas, coronas de perlis et frixos vel gramitas
vel fibaglas contra formam huius statuti et de pena sartorum et aurificum
venientium contra formam huius statuti. Rubrica
Statuimus quod nulla domina seu mulier in civitate Bononie, vel burgis aut comitatu
Bononie, audeat vel presumat portare pelles, vel aliquod vestimentum quod
habeat caudam que trahatur vel trahi possit aliquo modo per terram, longiorem tribus
quartis brachii, vel regoglum quod possit esse longius uno brachio 12 sine taxellis.
Et si qua vestimenta reperientur facta actenus, reducantur ad predictam mensuram,
seu modum superius declaratum, pena et banno cuilibet contravenienti vigintiquinque
librarum bononinorum et pro qualibet vice et nichilominus reducatur vestimentum
ad modum predictum, et nullus civis vel forensis aut nulla audeat vel presumat
in civitate Bononie vel comitatu incidere aliquod vestimentum contra predictam
formam, pena et banno decem librarum bononinorum cuilibet qui incideret aliquod
vestimentum contra predictam formam et pro qualibet vice et quolibet vestimento.
Et quod nulla persona civitatis vel comitatus Bononie aut aliunde, audeat vel presumat
aliquod vestimentum contra predictam formam incisum suere alicui civi vel comittatino,
in civitate Bononie vel comittatu aut extra comittatum, pena et banno
cuilibet qui contrafecerit et pro qualibet vice et quolibet vestimento centum solidorum
bononinorum. Item quod aliqua domina civitatis vel comitatus Bononie, magna
vel parva, de cetero non audeat vel presumat portare aliquam coronam seu sertum
compositum de perlis aut circlelum batutum de auro vel argento, aut super se
portare vel habere aliquod ornamentum de perlis, in aliqua parte persone, excepto
quam in anullo, nec bindas aliquam vel aliquas in quibus sit aurum insertum, vel
tessutum vel treceram aliquam vel redexellam in quibus sit aliquod aurum vel argentum
fabricatum preterquam aurum vel argentum filatum, pena et banno XXV librarum
bononinorum pro qualibet et qualibet vice qua contrafactum fuerit et amittat
coronam seu circlelum vel ornamentum de perlis. Item quod nulla persona silicet
masculus maior etatis XII annorum, vel aliqua femina maritata seu postquam fuerit
maritata, audeat vel presumat ad aliquod vestimentum habere vel portare aliquod
ornamentum de frixis seu frixum, vel gramitas vel gramitam aliquam vel aliquas, pena
et banno cuilibet contrafacienti et pro qualibet vice X librarum bononinorum.
Permittimus autem et concedimus de urbanitate cuilibet domicelle non maritate
posse habere et portare frixos seu ornamentum de frixis, quorum frixorum brachium
sit et esse possit valoris duorum soldorum bononinorum et abinde infra. Abinde vero
supra eis prohibemus sub pena et banno proxime dicto, pro quolibet contrafaciente,
et pro qualibet vice ipso facto incurrere volumus. Preterea precipimus quod
aliqua domina magna vel parva civitatis Bononie vel comittatus non audeat vel presumat
habere vel portare ad aliquod vestimentum vel aliqua vestimenta affiblaturas
12 uno brachio aggiunto sul margine sinistro corregge tribus quartis brachii. Prosegue così:
Additum fuit per reformationem propter quod ubi dicebat tribus quartis esse goglum dicant
uno brachio. Ego Vinciguerra Bovixii notarius huic officio scripsi et caçavi tribus quartis
brachii et addidi uno brachio.