la legislazione suntuaria. secoli xiii-xvi. emilia-romagna - Direzione ...

Bologna 51
ecclesias civitatis Bononie et burgorum in nativitate Domini et in pascate resurectionis
Domini omni anno 4 .
De penis plorantium seu se desmantantium ad exequias mortuorum vel emxenia
mittentium et de modo servando in exequiis mortuorum. Rubrica
Item statuimus quod nulla persona de civitate Bononie vel suburbiis ad
exequias alicuius mortui seu ad domum mortui se debeat desmantare vel plorare
clamando vel vociferendo nec sibi manus percuttere ad domum mortui vel mortue
extra domo et eundo vel reddeundo ad ecclesiam. Item quod nulla mulier que sit
coniuncta vinculo parentele mortuo vel mortue, venire debeat ad ecclesiam cum
mortuo, seu post mortuum, vel ante ea die qua sepultus fuerit mortuus vel
mortua; et si quis vel si qua contrafecerit condempnetur in XXV libris
bononinorum pro qualibet vice, et quilibet possit accusare et denuntiare et habeat
medietatem banni. Item dicimus quod pro aliquo defuncto vel defuncta
seppelliendis non pulsetur campane nisi illius ecclesie ad quam debuerit seppelliri
et illius de cuius capella fuerit mortuus vel mortua et pulsentur campane ad sogam
tantum. Item dicimus quod non debeat aliqua persona defuncta preconiçari per
civitatem. Item dicimus quod ad exequias alicuius defuncti non portetur nisi illa
crux ad cuius ecclesiam debuerit sepelliri et crux sue capelle. Item quod ad
exequias alicuius defuncti non debeant portari ultra quatuor cerei de libra quilibet
ad plus. Et quicumque contrafecerit vel fieri fecerit, si fuerit heres defuncti sive
commissarius sive executor sive alius, condempnetur pro singulis quatuor capitulis
proximis et pro qualibet vice in XXV libris bononinorum. Item quod nulla mulier
mortua portari debeat ad sepulturam cum facie discoperta et quicumque eam
deportabit vel deportari fecerit condempnetur in XXV libris bononinorum. Item
quod corpus postquam fuerit sepultum nulla persona se debeat congregare
sedendo ad domum defuncti et redditu facto ab ecclesia, incontinenti se debeant
separare nisi essent pater, frater aut filius vel alius sibi coniunctus usque in
quartum gradum vel nisi essent de vicinis eius. Et quicumque contrafecerit
condempnetur pro qualibet vice in centum solidis bononinorum. Item quod ad
corpus alicuius defuncti non debeant portari vel esse aliqua dopleria nec ultra
unum pannum sete sive pallium sive cultram. Item dicimus quod postquam
defunctus vel defuncta fuerit traditus vel tradita sepulture et homines redderint
qui affuerint dicte sepulture ad domum defuncti vel defuncte, quod omnes
mullieres que fuerunt ad exequias defuncti vel defuncte incontinenti discedere
debeant a domo defuncti vel defuncte, ita quod ibi nulle remaneant nisi fuerit
mater vel novercha vel soror vel filia vel socrus vel cognata vel filia fratris vel
sororis defuncti vel defuncte vel viduate, sub pena X librarum bononinorum pro
4 per civitatem … omni anno] singullis annis infra octo dies mensis ianuarii 1335,
1352, 1357.