la legislazione suntuaria. secoli xiii-xvi. emilia-romagna - Direzione ...

50 Legislazione suntuaria
1288
Statuti
Tractatus de variis et extraordinariis criminibus et excessibus pertinentibus
ad specialem notarium domini potestatis deputatum super coronis et
vestibus dominarum et aliis infrascriptis
De pena eius qui portaverit donaria alicui sponse 1
Prohibemus quod aliquis vel aliqua persona portare non debeat vel mittere vel
portari facere per se vel alium quocumque modo, cauxa vel ingenio alicui sponse
vel alteri persone occaxione sponse 2 , aliqua donaria in aliqua quantitate, re vel
specie; et quicumque contrafecerit condempnetur pro qualibet vice qua contrafecerit
in vigintiquinque libris bononinorum. Item dicimus quod aliqua sponsa,
nec aliqua alia persona pro sponsa debeat recipere aliquo modo vel ingenio de
dictis donariis sub dicta pena XXV librarum bononinorum ipsi sponse vel alteri
recipienti pro ea et ei in cuius domo dicta donaria reciperentur vel ponerentur 3 .
Et dicimus quod ad aliquod convivium quod fieret causa sponsaliciarum vel nuptiarum
non possint interesse ultra decem homines, si fieret convivium hominibus,
vel decem domine, si fieret mulieribus ex utroque latere, silicet sponsi et
sponse. Et qui contrafecerit puniatur et condempnetur et ille qui fieri fecerit convivium
in vigintiquinque libris bononinorum et quilibet sacramento teneatur
contrafacientes denunciare et accusare. Et sponsus non possit secum ducere nisi
tres socios ad convivium, ita quod computata persona sponsi sint quatuor ad
plus. Item dicimus quod tempore dictorum conviviorum non exibeantur nisi tria
genera ferculorum deductis fructibus. Et quod nullus mittere debeat aliquod ensenium
ferculorum vel mitti possit extra domum convivii. Et qui contra predicta
fecerit, condempnetur pro quolibet et qualibet vice in centum solidis bononinorum
et quilibet teneatur contrafacientes denunciare et accusare. Et predicta habeant
locum in civitate Bononie et burgis. Et predicta teneatur potestas publice
facere preconiçari per civitatem Bononie et burgos in locis consuetis infra quindecim
dies ab introhitu sui regiminis. Et procuret dominus potestas cum venerabili
patre domino Bononiensi episcopo, quod ipse venerabilis pater proferre dignatur
excomunicationis sententiam in facientes contra predicta vel aliquod predictorum.
Et quod dicta excomunicationis sententia denuntietur per capellas et
1 Collazionato con:
1335. Statuti, De pena eius qui portaverit donaria alicui sponse. Rubrica.
1352. Statuti, De pena eius qui portaverit donaria alicui sponse. Rubrica.
1357. Statuti, De pena eius qui portaverit donaria alicui sponse. Rubrica.
2 1357 omette vel … sponse.
3 ponerentur] donarentur vel portarentur 1335, 1357.