la legislazione suntuaria. secoli xiii-xvi. emilia-romagna - Direzione ...

Bologna 49
1286, agosto 7-12
Inquisizioni
Inquisizione contro una veste caudata
Die mercurei VII intrante augusto.
Domina Francisca uxor Feudi draperii capelle Sancte Lucie accusata per Iacobum
de Stanfonti nuntium comunis Bononie quod hodie per totam diem sit coram
notarium domini potestatis actenus quia ipsa domina Francisca trahebat post
se caudam unius gonelle m[…]ni viridi et non permisit sibi eam mensurari et hoc
fuit die predicto.
Domina Francisca uxor Fey domini Bonacursi de capella Sancte Lucie negat se
habere caudam gonelle sue quam in dorso habebat tunc quando scripta fuit per notarium
domini potestatis in die festivitatis beati sancti Dominici mayorem quam
contineatur in statutis seu ordinamentis comunis Bononie. Item dicit quod per
eam non remansit quin mensurata esset per dictum notarium domini potestatis,
sed propter tumultum gencium non potuit mensurari.
Die lune XII intrante augusto.
Dominus Petrus de Boetis capelle Sancte Lucie quia interrogatus precepta
domini potestatis et de veritate dicenda qui suo sacramento dixit quod die mercurei
predicto quando domina Francisca preditta inventa fuit penes ecclesiam
Sancti Dominici per notarium domini potestatis et scripta per ipsum notarium
habere caudam gonelle sue mayorem quam contineatur in statuto comunis Bononie,
quod ipsa cauda non fuit ei mensurata per dictum notarium nec per
nuncios qui secum erant et hoc propter presuram gentium que ibi erat propter
festum.
Petrus Petrizoli Tancredi capelle Sancti Mani qui interrogatus die predicto
precepta domini potestatis et de veritate dicenda qui suo sacramento dixit quod
die mercurei predicto quando domina Francisca preditta inventa fuit per notarium
domini potestatis penes ecclesiam Sancti Dominici et scripta per ipsum notarium
habere caudam gonelle sue mayorem quam contineatur in statuto comunis
Bononie, quod ipsa cauda non fuit ei mensurata per dictum notarium nec per
nuncios qui secum erant et hoc propter presuram gentium que ibi erat propter
festum.