la legislazione suntuaria. secoli xiii-xvi. emilia-romagna - Direzione ...

FONTI
1250-1261
Statuti
Ne meretrices et earum receptrices maneant infra civitate et circla, quod
ministrales procurent
Ad removendas turpitudines malarum mulierum et ganearum et civitas sit purgata
omni turpitudine de contratis in quibus infra civitatem et infra circlam habitare
expellantur, statuimus quod publice meretrices et earum deceptrices non debeant
manere infra fossata civitatis et circle et quod earum accusationes non recipiantur
de iniuria verborum vel etiam de offensionibus que fient eis dum vadunt ad hospitia
scolariorum, nisi de rebus si que essent ablate vel de sanguine vel de livido vel
debilitatione membrorum.
Item statuimus quod non vadant amantate per civitatem vel suburbia nisi pelle
vel clamide sine taxellis afiblatis ad collum et si que contrafecerint cuilibet sit licitum
eis auferre clamidem vel velum vel pellem sine pena.
Addimus huic statuto quod ulla femina vel domina vel aliqua alia persona de
civitate Bononie nisi fuerit publica meretrix non debeat portari aliquam gonellam
vel guarnachiam seu guarnaçonem, pellem vel mantellum aut çuppam vel
aliud indumentum sive mantaturam quod tangat terram vel possit tangere terram
ab aliqua parte, nec regoglum aliquod quod sit triplica ultra medium brachium,
et si qua contrafecerit debeat ipso iure perdere dotem suam, que dos perveniat
in comuni si nupta fuerit, et maritus condempnetur in L libris bononinorum,
et si non fuerit nupta condempnetur mulier in XXV libris bononinorum. Et
nullus sartor vel aliqua alia persona debeat facere aliquod indumentum incidere
seu sui vel sui facere contra predictam formam, sub pena et banno XXV librarum
bononinorum quotiens contrafecerit, cuius banni medietas sit comunis et alia
accusantis, et si solvere non poterit fustigetur. Et potestas precise teneatur singulis
mensibus scilicet bis in mense facere inquiri per suos familiares et maxime in
diebus festivis ire debeant inquirendo et contrafatientes denuntiare potestati. Et
potestas cum consilio comunis Bononie procuret quod dominus episcopus exco-