la legislazione suntuaria. secoli xiii-xvi. emilia-romagna - Direzione ...

Rimini 661
mo vero sponse nulla domina […] 13 vel dominus. Et eo salvo quod tempore desponsationis
tantum sponsus possit donare sponse centuram et marsupium sine
pena.
Et insuper statutum est quod tempore promissionum et desponsationum et
nuptiarum, quo sponsa transducitur ad domum viri, possint interesse solummodo
XL domini, scilicet XX pro parte sponse, et XX pro parte sponsi, et XVI domine, et
non plures possint interesse sponsationi et etiam ad asotiandum sponsam ad domum
viri, et si ultra numerum predictum interfuerint domini vel domine consanguinei
et consanguinee proximiores aliis usque ad dictum numerum, intelligantur
fuisse invitati et invitate et in nichillo puniantur, alii vero et alie remotiores superexcedentes
dictum numerum condampnentur communi Arimini in XL solidis ravennatum
pro quolibet, nisi probaverint per unum testem vel saltim proprio sacramento
quod fuerint invitati vel invitate ex parte sponsi vel sponse, quia tunc in nichilo
puniantur.
Set is qui fecit ipsos vel ipsas ultra dictum numerum invitari solvat pro eis communi
pena predictam. Et quilibet possit contrafacientes in aliquo de predictis denumptiare,
et teneatur ei credentia et lucretur medietatem pene predicte.
Et insuper ut presens statutum firmius observetur, statutum est quod quilibet
potestas qui pro tempore fuerit, teneatur facere in principio sui offitii semel, et in
medio etiam semel facere legi presens statutum in conscilio generali et publice banniri
per civitatem, ut nullus possit ingnorantiam pretendere in predictis. Et quicunque
erit facturus promissiones, desponsationes vel nuptias, tam ex parte sponsi
quam ex parte sponse, debeat hoc notifficare et dicere domino potestati vel eius vicario
per unam diem ante quam predicta faciant; et tunc potestas teneatur mictere
suum sotium et familiam ad videndum nunquid contrafiat huic statuto. Et si quis
non notificaverit puniatur in X libris ravennatum pro parte sponsi et totidem ex
parte sponse.
Et si potestas negligens fuerit in mictendo vel inquirendo de predictis, vel in puniendo,
vel etiam in faciendo publicari et banniri, ac etiam observari presens statutum
in omnibus et singulis suis partibus, perdat de suo salario pro qualibet vice
XXV libras ravennatum, de quibus quinque libre dentur ei qui ipsum denumptiaverit
de predictis coram sindicatoribus tempore sui sindicatus, alie viginti remaneant
communi.
Et hoc statutum sit precisum et trunchum cassis omnibus statutis et ordinamentis
in contrarium loquentibus.
13 Parola, illleggibile, emendata.