la legislazione suntuaria. secoli xiii-xvi. emilia-romagna - Direzione ...

Rimini 657
De pena ducentium personas vel euntium ad promissiones nuptiarum vel ad
sponsalia ultra numerum ordinatum. Rubrica 3
[S]tatutum et ordinatum est quod in promissionibus fucturarum nuptiarum vel
sponsalitiarum et fatientes dictas promissiones vel etiam contrahentes non possint
facere congregationem personarum ultra numerum decem personarum pro qualibet
parte. Et quod omnes et singuli existentes in tali congregatione tempore dictarum
promissionum que excesserint numerum supradictarum personarum puniri et
condempnari debeat in XX solidis ravennatum pro quolibet. Et quod facientes et
contrahentes dictas promissiones in quibus erit vel reperiretur congregatio que excedat
numerum supradictum puniri et condempnari debeat pro quolibet in decem
libris ravennatum. Et pertineat et spectet exactio supradictarum penarum ad offitium
domini potestatis et ad offitium iudicis mallifitiorum dicti communis et per
ipsos vel alterum eorum omnino fieri debeat exactio supradicta. Quarum penarum
medietas communi Arimini aplicetur et alia medietas denumptiatori et teneatur ei
credentia.
Que res intelligantur esse donate per sponsos et viros sponsis vel uxoribus.
Rubrica 4
[I]tem quia sepius est in dubium revocatum propter doctorum oppiniones varias
et diversas, que res intelligantur donate uxoribus vel sponsis per earum sponsos
vel viros ut sic eis cedant matrimonio disoluto; et super premissis questiones varie
occurrerunt. Idcircho, provisum et ordinatum est quod si post promissionem factam
seu contracta sponsalia de fucturo ante tamen contracta sponsalia de presenti,
sponsus portaverit vel miserit ad sponsam vel ad parentes seu fratres vel sorores ipsius
centuram, cordonum, vel marsupium, cuiuscunque generis vel condictionis
existant quod hec talia intelligantur prorsus esse donata et statim dicta donatio valida
sit de iure adeo quod quandocunque postea matrimonium dissolutum fuerit
quod tales res donate pertineant ad ipsam mulierem vel heredes ipsius omni exceptione
reiecta, et si per sponsos vel eorum numptios contrarium diceretur.
3 Collazionato con:
Cod. 1166, De pena ducentium personas vel euntium ad promissiones nuptiarum vel ad
sponsalia ultra numerum ordinatum. Rubrica.
Cod. 1167, De pena ducentium personas vel euntium ad promissiones nuptiarum vel ad
sponsalia ultra numerum ordinatum. Rubrica.
4 Collazionato con:
Cod. 1166, Que res intelligantur esse donate per sponsos et viros sponsis vel uxoribus.
Rubrica.
Cod. 1167, Que res intelligantur esse donate per sponsos et viros sponsis vel uxoribus.
Rubrica.
In margine: De sponsis.