la legislazione suntuaria. secoli xiii-xvi. emilia-romagna - Direzione ...

FONTI
1334
Statuti
De portando coperta corpora mortuorum et de modo vestiendi eos ac non
lugendo cum clamore per plateas. Rubrica 1
[S]tatutum et ordinatum est quod nullus audeat vel presumat in civitate, burgis,
comitatu et districtu Arimini defferre vel defferri facere corpus alicuius persone defuncte
ad funus de domo vel loco aliquo ad ecclesiam et de ecclesia ad sepolturam si
corpus defunte persone non fuerit in capsa clausa vel cadeleto clauso positum, vel si
defferretur in bara si tale corpus in totum non fuerit copertum, ita quod de tali corpore
nichil videri possit. Et quod nullus audeat vel presumat corpus predictum honorare
vel vestire ornamentis et vestimentis excedentibus valorem quatuor vel quinque
librarum ravennatum. Et quod nullus extra domos vel lochum ex quo extrahitur corpus
predictum presumat vel audeat luctuosam exlamationem vel lamentationem facere.
Et quod mulieres existentes ad funus cuiuscunque non audeant vel presumant sequi
corpus predictum nec aliqualiter exire domum vel locum predictum causa aliqualiter
insequendo corpus predictum. Et quod nullus audeat etiam vel presumat convocare
vel habere ad sepulturam alicuius vel ad sotiandum corpus cuiuscunque defunti
ad ecclesiam vel sepulturam ultra unum conventum fratrum cum conventum sacerdotum
civitatis et burgorum Arimini. Insuper hoc adito quod omnia que continentur
in aliis statutis dicte civitatis disponentibus circa predicta, dummodo eis non contradicant
vel adversentur quoquomodo disponent circa funeralia vel exequias supradictas
in quacunque forma verborum sint etiam auctoritate et vigore presentis statuti va-
1 Collazionato con:
Cod. 1166, De portando coperta corpora mortuorum et de modo vestiendi eos ac non
lugendo cum clamore per plateas. Rubrica.
Cod. 1167, De portando coperta corpora mortuorum et de modo vestiendi eos ac non
lugendo cum clamore per plateas. Rubrica.