la legislazione suntuaria. secoli xiii-xvi. emilia-romagna - Direzione ...

Reggio Emilia 621
supra nisi cruces ecclesiarum et collegiorum et conventuum invitatorum. Et similiter
aliae campanae non possint occasione dicti defuncti pulsari nisi dictarum ecclesiae
ad quam sepelitur et suae parochiae et ecclesiae maioris si ordinabitur. Et ad
predicta officia mortuorum tam sepulturae quam septimae aliqui sacerdotes, clerici,
fratres, monachi aut religiosi, capitula vel regulae fratrum accedere non debeant nisi
fuerint invitatae et invitati per executorem et seu dispensatorem et facientem nomine
heredum defunctorum, et cui executori et seu dispensatori debeant dari in scriptis
nomina invitandorum, quibus invitatis et non aliis dentur candellae et aliae
oblationes consuetae.
Et rogetur reverendissimus dominus episcopus quod dominationi suae placeat
iniungi facere predictis sacerdotibus, clericis et fratribus ut non vadant ad dictas
exequias et officia nisi fuerint invitati.
Et insuper ut penitus aboleatur quaedam consuetudo quae inolevit in civitate
Regii quod heredes vel propinqui 83 defuncti solent mittere certam quantitatem panis
ad domos affinium et amicorum ante septimum fiendum pro defuncto, statuimus
et ordinamus quod si heredes defuncti vel propinqui 84 constituerint dispensare
pro anima defuncti aliquam quantitatem panis, teneantur et debeant illam dispensare
et distribuere ad hostium defuncti inter pauperes Christi et etiam mittere ad
monasteria Mendicantium et aliorum religiosorum, et non mittere nec dare possint
aliquam quantitatem panis affinibus et amicis nisi essent pauperes et indigentes. Et
si contrafecerint cadant in poenam librarum quinquaginta applicandarum ut supra.
Et ubi presens statutum in aliqua sui parte reperiretur esse contra libertatem ecclesiasticam,
ex nunc in illis partibus sive parte cassaverunt et cassant et pro cassato et
abollito haberi mandaverunt 85 .
De conviviis
Ut penitus removeantur sumptuosae et multifariae expensae quae quotidie in
conviviis fiunt in maximum damnum civium, statuimus et ordinamus quod de cetero
nullus audeat vel presumat in conviviis nuptiarum et seu in coena vel prandio
ob nuptias facto dare vel dari facere aliquibus discunbentibus epulas ultra infrascriptas,
videlicet: carnes qualescunque et quomodocunque placuerit ad lessum pro
uno epulo, et similiter carnes quotcunque et qualescunque placuerit ad rostum in
una vel duabus vicibus vel epulis prout placuerit et ferculum vel turtam prout placuerit
pro alio epulo, non computatis fructibus, saporibus et confectionibus qui et
quae dari possint, et qui contrafecerit puniatur in libris quinquaginta applicandis
comuni Regii pro dimidia et pro alia dimidia accusatori pro quolibet epulo dato ul-
83 vel propinqui nel margine destro di altra mano.
84 vel propinqui nell’interlinea con segno di richiamo di altra mano.
85 Et ubi presens … mandaverunt di altra mano.