la legislazione suntuaria. secoli xiii-xvi. emilia-romagna - Direzione ...

612 Legislazione suntuaria
nius de Gazolis legundoctor, dominus Bertholameus de Cartariis legundoctor et
dominus Paulus de Thamaronibus iuris peritus, ellecti ad providendum et statuendum
super ornamentis mulierum et de et super dotibus et aliis de quibus infra ut
constat ex provisione facta per conscilium generale comunis Regii sive huius civitatis
rogata et scripta per me notarium infrascriptum sub die tercio instantis mensis,
constituti coram magnifico et clarissimo iuris utriusque doctore domino Iacomino
de Compagno honorabili potestate civitatis et districtus Regii existente in palatio
comunis Regii residentie ipsius domini potestatis, videlicet in saleta superiori ipsius
palatii, dixerunt et affirmaverunt ac protestati fuerunt sese vertute dicte provissionis
et vigore arbitrii eis collati et in termino eis prefixo providisse, statuisse et deliberasse
in predictis et infrascriptis ac providere, statuere et deliberare prout continebatur
et continetur in certis foleis scriptis eorum manibus propriis, que folea dimisserunt
penes me Albertinum de Corrigiis notarium antedictum et infrascriptum, quorum
tenor talis erat et est de verbo ad verbum ut infra, videlicet
Rubrica de vestibus et aliis ornamentis mulierum 69
Ad Dey omnipotentis laudem et cohercendum luxum et superabundantiam vestium
et ceterorum ornamentorum quia, ut docuit et docet rerum omnium experientia
et mater, ex nimio usu predictorum et vanitatum superfluitate depauperantur
homines et in maxime damna et dispendia dilabuntur Deyque ira provocant,
propter quod ut hec omnia reprimantur neccesse est novas edere ac depromere formas
pro utilitate publica evidenti et ut huic morbo totam hanc civitatem et bonos
vivendi mores infectanti occurratur.
Statutum et ordinatum est inviolabiliter observari quod nulla mulier cuiuscunque
condictionis, status, gradus et preheminentie existat, que sit maior annis decem,
habitatrix civitatis Regii eiusque districtus, episcopatus vel ducatus aut que
aliunde veniens, postquam per menses sex habitaverit Regii aut in eius districtu vel
ducatu, nupta, sponsa vel non nupta neque sponsa nec maritata, possit, audeat vel
presumat in domo sua vel aliena aut extra domum quovis modo defferre vel portare
aut pro usu suo vel portatura habere vel tenere vestem aliquam, camoram, zorneliam,
cottam vel aliquod genus vestimentorum aut manicas auream vel aureas, argenteam
vel argenteas sive de panno aureo vel argenteo, vel in aliqua parte persone
sue panum aureum vel argenteum defferre, nec etiam de sirico, nec vestes recamatas
seu accu pictas, nec similiter manicas nec fodraturam aliquam predictarum robarum
in totum vel in parte que sit de sirico, zebellinis, martoris, armelinis aut varis
seu dossis de varo, etiam si vestes non fuerint de siricho, nec cingulum tessutum sive
corrigiam de auro vel argento contextam aut fulcitam, nec etiam vestes caudatas
69 Collazionato con:
1500. Statuti, De vestibus et ornamentis mulierum.