la legislazione suntuaria. secoli xiii-xvi. emilia-romagna - Direzione ...

Reggio Emilia 611
mittunt infantes ad baptizandum, et etiam circha magnas dotes que hac etate dantur
mulieribus, quantum ipse clamitavit et clamitat cum omnia hec tendant in grave
damnum et detrimentum huius reypublice in damnatione animarum et depaupertate
civium et familiarum; profecto si bene consideremus que per eum longe lateque dicta,
adducta et memorata sunt, que omnino sunt consideranda, debemus prompte et
indilate et omnibus viribus ad hec intendere si carras habemus animas, si rem publicam
nostram augeri et cives conservari volumus, quare velitis rem hanc considerare ex
omni capite et demum deliberare prout melius duxerimus deliberandum».
Ellecti ad faciendum statuta et ordinamenta circa vestes et ornamenta et
etiam circa dotes mulierum
Quibus dictis et expositis per prefactum dominum Petrum Antonium priorem
antedictum et additis etiam per eundem aliis que longum esset enarare, multa fuerunt
superius adducta et memorata ac arrengata per ipsos dominos consciliarios, et
tandem ipsi domini … antiani, addiuncti et de numero quadraginta consciliarii longo
examine et maturo conscilio et multis disputationibus et arrengis inter eos habitis,
cupientes omnibus et singulis supradictis et in conexis et dependentibus ac emergentibus
ab eisdem providere tanquam rey sancte, utili et honeste, providerunt et
deliberaverunt quod illi spectabiles et egregii cives alias ellecti qui habent reformare
statuta comunis Regii etiam habeant auctoritatem, potestatem et facultatem omnimodam
statuendi, providendi et deliberandi, et statuant, provideant et deliberent
omnibus et singulis predictis et inconexis, choherentibus, dependentibus et emergentibus
ab eis prout eorum prudentie fide et rectitudine magis et melius conveniri
videbitur, de qua admodum confisi sunt, et hoc faciant infra decem dies proxime futuros,
providendo etiam quicquid superius statuerint aprobari, conffirmari et convalidari
per illustrissimum dominum ducem nostrum in opportuna forma et cum potestate
quam habet totum hoc conscilium.
Quorum ellectorum hec sunt nomina: dominus Ludovichus Malagutius, dominus
Obizo Rugierius, dominus Petrus Antonius Cassolus, dominus Aliprandus de
Arlottis, dominus Antonius de Gazolis, dominus Bertholameus de Cartariis, dominus
Paulus de Tamaronibus.
Et qui ellecti ad refformationem predictam vel maior pars eorum et cetera.
1489, settembre 12
Provvigioni
Ordinamenta facta super vestibus et ornamentis et dotibus mulierum
Spectabiles et egregii viri dominus Ludovichus de Mallagutiis eques et doctor,
dominus Obizo de Rugieriis iuris utriusque doctor, dominus Aliprandus de Arlottis
legum doctor, dominus Petrus Antonius de Cassolis legum doctor, dominus Anto-