la legislazione suntuaria. secoli xiii-xvi. emilia-romagna - Direzione ...

Reggio Emilia 603
1411
Statuti
De dotibus et donationibus mulierum
Super dotibus et donationibus mulierum ita decernimus observari: quod si aliquis
acceperit uxorem et ex ea habuerit dotem a decem florenis auri infra, non habeat
potestatem donandi uxori sue propter nuptias ultra florenos duos, si vero habuerit
in dotem a decem florenis auri ultra usque in quant[it]atem florenorum vigintiquinque
auri, tunc possit donare usque ad quinque florenos et non ultra, si autem
habuerit in dotem a vigintiquinque florenis auri supra quantumcumque ascendat
non possit donare seu donationem facere ultra florenos decem auri. Et si facta
fuerit donatio ultra dictam summam nulla sit et pro nulla habeatur ipso iure tamquam
facta in fraudem huius statuti 54 .
In ultima vero voluntate concedimus facultatem donandi uxori quantumcumque
dederit ipsa mulier in dotem usque ad quantitatem decem florenorum auri et
non ultra aliquo modo, in denariis vel rebus. Et hoc si maritus habuerit ascendentes
vel descendentes, masculos vel feminas. Si vero non habuerit descendentes vel
ascendentes ut supra, tunc habeat potestatem maritus relinquendi uxori sue quicquid
voluerit, donec autem mulier in domo vel supra bonis mariti sui defuncti habitare
vel stare voluerit honeste victum et vestitum secundum possibilitatem bonorum
quondam mariti sui habeat et non ultra aliquo modo, quamquam relicta fuerit
a testatore domina, massaria et uxufructuaria, salva semper manente rerum substantia,
ita tamen quod filii et filie et neptes et nepotes ex testamento vel ab intestato
succedentes una cum uxore debeant percipere fructus et ex eis alli. Et si de domo
mariti exire voluerit uxor post annum et habere dotem et allimenta percipere debeat
donec de dote sibi fuerit integre satisfactum. Et si uxor defuncti dotem suam
recipere nollet, tunc non teneantur heredes mariti alimenta aliqua sibi prestare.
Quod mortui non preconizentur per civitatem 55
Quod plantus non fiat cum clamore extra domum defuncti 56
Quod barra non ponatur in terra extra domum defuncti nisi ad ecclesiam 57
54 Nel margine destro: Nota quantum potest reliqui uxori per maritum.
55 Vedi 1335. Statuti, De mortuis, quod non preconicentur per civitatem.
56 Vedi 1335. Statuti, Quod plantus non fiat cum clamore extra domum defonti.
57 Vedi 1335. Statuti, Quod bara non ponatur in terra extra domum defuncti nisi ad ecclesiam.