la legislazione suntuaria. secoli xiii-xvi. emilia-romagna - Direzione ...

596 Legislazione suntuaria
De caudis vestium dominarum et quante longitudinis esse debent
Item statuerunt et ordinaverunt quod de cetero nulla domina seu domicella aut mulier
civitatis et districtus Regii cuiuscumque condictionis existat audeat vel presumat
portare vel ducere caudam de aliquo panno ad gonellam vel guarnachiam ultra unum
brachium nec uti aliquibus vestibus ab hodie in antea contra predictam formam.
Quod domine possint portare frixium ad clamidem vel mantellum ubi
tenent digitum
Item statuerunt et ordinaverunt quod ad clamidem seu mantellum vel pelles ipsarum
possint portare dicte domine frixium seu cordonem de seta doratum et non
doratum ad voluntatem ipsarum dominarum solomodo in loco in quo tenent digitum
ad frixium ipsius mantelli vel pellium et non alibi.
Quod domine possint portare corigias, anullos et bursas ad earum
voluntatem
Item statuerunt et ordinaverunt quod dicte domine, domicelle et mulieres possint
portare corigias et anullos de auro et argento et bursas de seta ad sensum et voluntatem
earum.
De pena sartorum faciencium vestes d[omi]narum contra predictam
formam
Item statuerunt et ordinaverunt quod nullus sartor de cetero audeat vel presumat
facere aliquas vestes seu robas aliquibus dominabus, domicellabus vel mulieribus
alicuius condictionis que habeant caudam ultra unum brachium ad plus, pena
dicto sartori decem librarum rexanorum pro qualibet vice qua contrafactum fuerit.
De sgolaturis inhonestis dominarum et quales sgolaturas habere debent
Item statuerunt et ordinaverunt quod nulla domina, domicella aut mulier alicuius
condictionis audeat vel presumat de cetero facere fieri scolaturam ad aliquas
suas vestes seu robas inhonestam, penam sartori qui contrafecerit decem librarum
rexanorum pro qualibet vice et qualibet veste, et dominabus que portaverint in
tantumdem.