la legislazione suntuaria. secoli xiii-xvi. emilia-romagna - Direzione ...

590 Legislazione suntuaria
singulis sartoribus civitatis Regii et facere eos et quemlibet eorum per se iurare ad
sancta Dei evangelia corporaliter tacta littera quod attendent et observabunt omnia
et singula supradicta, et insuper a quolibet eorum accipere bonum et ydoneum fideiussorem
quod attendent et observabunt omnia et singula supradicta, de qua
scriptura nichil recipiatur per notarium domini potestatis qui dictum iuramentum
et fideiussionem recipiat a predictis et modo predicto.
Officium capitanei facere iurare singulis VI mensibus consciliariis quod non facient
ornamenta dominarum
Item providerunt dicti sapientes quod dominus capitaneus presens et futuri qui
pro tempora fuerint teneantur et debeant facere iurare omnes et singulos de consilio
generali populi singulis sex mensibus de observando et attendendo omnia et singula
supradicta ad sancta Dei evangelia corporaliter tacta scriptura.
Que omnia et singula per ordinem ponantur in statuto et volumine statutorum
comunis et populi Regii per unum notarium eligendum per dominos defensores populi
qui modo sunt et pro statuto troncho et preciso ab hinc in antea habeatur et observetur
in omnibus et per omnia ut superius est expressum, cui taxetur salarium pro
labore suo secundum arbitrium et voluntatem dictorum dominorum defensorum populi,
super quibus omnibus et singulis et qualibet earum dictus dominus capitaneus
petiit sibi pro comune et populo Regii utile bonum et generale consilium exhiberi.
Dominus Lonardellus de Achiliçis super posta provisionum factarum super vestibus
et adornamentis dominarum, domiçellarum et mulierum civitatis Regii et districtus
consullendo dixit quod dicte provisiones sint firme et executioni mandentur
in omnibus et per omnia auctoritate presentis consilii secundum quod iacent et
scripte sunt in omnibus et per omnia auctoritate presentis consilii.
Dominus magister Petrus Albertus prior dictorum dominorum defensorum populi
contradixit dicte poste dictarum provisionum et cui[li]bet ipsarum quod non
procederetur in aliquo alegando causas et rationes secundum formam statuti.
In reformatione cuius consilii facto partito per dictum dominum capitaneum ad
fabas albas et nigras secundum formam statuti placuit trecentis octuaginta octo qui
posuerunt fabas albas quod omnes supradicte provisiones facte super facto vestium
et robarum dictarum dominarum et adornamentorum ipsarum sint firme in totum
prout iacent et scripte sunt auctoritate presentis consilii et executioni mandentur, et
habeant vim statuti, et ponantur in volumine statutorum comunis et populi civitatis
Regii et pro statuto troncho et preciso observentur et habeantur in totum secundum
quod plenius in dictis provisionibus continetur, et quod per dominos defensores populi
taxetur salarium uni bono notario eligendo per ipsos, qui ipsas provisiones ponat
in volumine dictorum statutorum comunis et populi, absolutis omnibus aliis
statutis, provisionibus, reformationibus que in contrarium loquerentur, et displicuit
septuaginta duobus qui posuerunt fabas nigras in contrarium predictorum.