la legislazione suntuaria. secoli xiii-xvi. emilia-romagna - Direzione ...

586 Legislazione suntuaria
XVII. Item provisum et ordinatum est quod, si contingerit monacum seu
monacam fieri in civitate seu burgis vel districtu Regii ab hinc in antea, non possit
dari vel fieri per aliquam personam aliqua oblacio candellarum, dupleriorum,
cereorum vel candellarum, nec aliquid aliud loco eorum sub pena pro quolibet
contrafaciente pro qualibet vice decem librarum rexanorum, et quilibet sit
accusator et denuntiator et habeat medietatem condempnationis et teneatur
credentia, et nichilominus eligantur in qualibet vicinia denuntiatores et accusatores
qui secrete predicta denuntient et accusare debeant et habeant medietatem
condempnationis. Idem observetur et fiat si contingerit aliquem presbiterum fieri
in civitate et burgis seu pendicibus vel districtu ne quis oblationem faciat ut supra
dictum est et sub pena predicta.
XVIII. Item quod nulli doplerii vel cera vel aliquid aliud loco ipsorum portari debeant
ante aliquem defunctum vel post cuiuscumque condictionis sit dum portatur
ad ecclesiam, nec etiam in ecclesia, sub pena predicta. Et hoc locum non habeat in
canellis que possunt portari ut in statuto seu consuetudine continetur, nec in canellis
seu cereis artium populi Regii.
XVIIII. Item ordinatum est quod die mortis alicuius, nec etiam die sepulture,
nulla persona audeat vel presumat comedere vel bibere in domo talis defuncti, nec
ibi aliquod convivium fieri possit vel debeat nec alibi pretextu seu ocasione ipsius
defuncti dicto die obitus vel sepulture, nec etiam infra septimanam per aliquam
personam, masculum vel feminam, sub pena viginti solidorum rexanorum pro
quolibet et qualibet vice, et quilibet sit accusator et habeat medietatem condempnationis
predicte, et inveniantur denuntiatores et accusatores ut supra. Eo salvo
semper ascendentes et descendentes et collaterales utpote fratres et sorores et filii
fratrum et sororum et germani consanguinei tam masculi quam femine possint
morari, esse et comedere et bibere sine pena et cum eis interesse ratione afinitatis et
parentelle.
Item ordinatum est quod statuta loquentia super exequiis defunctorum et dicte
provisiones addite potestas presens et qui pro tempore fuerit teneatur legi facere in
consilio tempore quo fient offitiales, et faciat cridari singulis singulis sex mensibus
per civitatem sono tube, ut predicta notoria sint hominibus, pena potestati vigintiquinque
librarum rexanorum de suo salario.
Item quod suprascripte provisiones et omnia alia statuta et ordinamenta facientia
aliquam mentionem de exequiis mortuorum scribantur in volumine statutorum
comunis et populi Regii per Gerardinum de Puianello notarium, cui solvatur per
massarium comunis Regii de suo labore secundum quod taxatum fuerit eidem per
dominos defenssores populi Regii.
(S.T.) Ego Gerardinus de Puianello notarius predictas provisiones scripsi et posui
in volumine statutorum populi et comunis secundum reformationem consilii