la legislazione suntuaria. secoli xiii-xvi. emilia-romagna - Direzione ...

Reggio Emilia 585
observari; nec etiam cum vultu discoperto debeant deportari, cum aliquando quedam
inconvenientia imponebantur in faciebus defunctorum; et si contrafactum
fuerit per heredes vel possessores bonorum defuncti, puniatur quilibet et pro qualibet
vice in vigintiquinque libris rexanorum; et quilibet possit esse accusator in omnibus
capitulis supradictis, et credatur eius sacramento cum uno teste, et habere debeat
medietatem condempnationis et teneatur credentia. Et hoc non habeat locum
in militibus et iudicibus.
XIIII. Item quod potestas qui pro tempore fuerit teneatur et debeat mittere unum
de familia sua bonum et legalem cum uno ex notariis suis ad ullam exequiam defunctorum,
maxime divitum et potentum, qui debeant videre et in scriptis reducere
omnes personas facientes contra predicta; et quas invenerit contrafacere possit et debeat
condempnare in penis superius memoratis in quolibet capitulo contra quod
factum fuerit, per se et eius familiam, sine requisitione vel consilio alicuius curie,
non obstante statuto quod loquitur de curia requirenda in condempnationibus faciendis:
a quibus omnibus potestas sit absolutus et eius familia. Et si potestas negligens
fuerit in predictis faciendis, inquirendis et puniendis, puniatur pro quolibet et
qualibet vice de salario suo in vigintiquinque libris rexanorum. Et quod per potestatem
eligantur duo homines per quarterium quolibet mense qui predicta debeant denuntiare
potestati, et, si predicti negligentes essent in denuntiando predictos, potestas
non teneatur ad supradictam penam, et quilibet eorum condempnetur comuni
pro qualibet vice quod non denuntiaverit in viginti solidis rexanorum.
XV. Item quod quelibet persona que deputata fuerit ad faciendum exequias alicuius
funeris defuncti, tantum debeat dare candellas seu canellas vel duplones seu
denarios sacerdoti et clerico illius ecclesie ubi mortuus sepellitur et aliis qui invitati
fuerint per heredes defuncti, et non aliis sacerdotibus et clericis seu conversis vel
aliis personis laycis que ibi ad dictum mortuum reperiantur esse absque invitamento;
et dictus heres teneatur et debeat dicto dispensatori dicere omnes invitatos; et
ipse dispensator teneatur inquirere de predictis invitatis ab ipso herede ad hoc ut
observet predicta. Ac idem observari debeat in omnibus aliis ecclesiis religiosis et
scolaribus ubi sunt fratres vel canonici ut demum sacerdotibus et canonicis et fratribus
ipsarum ecclesiarum dentur supradicte oblationes et non aliis personis que
ibi invitate non essent ut supra dictum est. Et rogari debeat dominus episcopus
quod placeat ei iniungi facere sacerdotibus et clericis ne aliquis eorum vadat ad exequias
dictorum defunctorum nisi qui fuerint invitati. Et si dictus dispensator contra
predicta fecerit vel aliquod predictorum, puniatur pro qualibet vice et quolibet
in centum solidis rexanorum, et quilibet possit esse accusator et habere debeat medietatem
condempnationis.
XVI. Item quod ocasione cuiuslibet defuncti tantum debeat [sonare] campana illius
ecclesie ad quam sepeliri debet defunctus et campana ecclesie maioris; et solomodo
cruces illius ecclesie ad quam sepeliri debet defunctus debeant deportari ad
ipsum mortuum et non alie, nisi per heredem defuncti fuerint invitati.