la legislazione suntuaria. secoli xiii-xvi. emilia-romagna - Direzione ...

582 Legislazione suntuaria
1311
Statuti
Quales vestes debent deferre pediseche et alie mulieres servientes, et qualiter
se habere debeant in ornamentis capitis, et de pena contrafacientis 8
Pediscece vero et alie servientes et queconque mulieres parve conditionis non
debeant portare aliquas vestes que terram tangant, et ipse pediscece non portent in
capite aliquod intrecellatorium de seta, sed portare possint coffias de panno vel de
rete in quibus teneant capillos suos ne cadant in cibariis que faciunt vel ministrant
et etiam bindas si eis placuerit et expedient de consensu domini vel domine sue.
Et si portaverint predicte mulieres vestes vel intreçelatorium de seta contra predictam
formam, condempnetur quelibet contrafaciens in viginti solidis rexanorum, et
nichilominus teneantur servare predicta. Quod statutum de verbo ad verbum presens
potestas et quilibet qui pro tempore fuerit in regimine civitatis infra quindecim
dies post suum introitum legi faciat in consilio generali, et teneatur etiam potestas
quilibet civitatis Regii precise et sine alicuius absolutionis remedio nullam
propositionem facere nec consilium recipere in consilio generali vel speciali seu
contione vel aliqua congregatione hominum, nec pati quod per aliquem vel per
aliquos fiat de presenti statuto tollendo vel in aliqua sui parte diminuendo. Et potestas
qui contrafaceret vel fieri pateretur perdat de suo salario centum libras rexanorum,
et nichilominus predicta observare teneatur potestas et observari facere. Et
quelibet alia persona que contrafaceret condempnetur in quinquaginta libris rexanorum,
et nichilominus teneatur potestas observare et observari facere, et quelibet
alia persona in qua vel pro qua absolutio locum non habeat presens statutum vel
quod si erit in futurum vel aliqua reformatio in quo vel in qua contineretur seu
continetur quod possit haberi absolutio de precisis statutis. Et qui arrengaret de
presenti statuto tollendo vel in aliqua sui parte diminuendo vel dixerit vel denunciaverit
etiam si captus fuerit vel de propositione facienda aut consilio recipiendo
de predictis aut aliquo predictorum, potestas teneatur eos et quemlibet eorum
condempnare in libris vigintiquinque rexanorum pro qualibet vice et ipsam condempnationem
exigere et recuperare et in comuni deducere infra decem dies post
condempnationem factam. Et teneatur potestas precise inquirere per familiam
suam et per custodes privatos quos elegerit ad minus semel in mense si predicte
vestes fiant aut portentur et alie res de quibus supra scriptum est contra predictam
formam. Et si inventi et invente fuerint aliqui vel alique contrafacere vel portare
aut contrafecisse vel portasse, potestas infra octo dies postquam sibi liquidum fuerit
eos et eas condempnare teneatur et condempnationes exigere ut supra dictum
est. In quibus condempnationibus faciendis non requiratur consensus curie. In
8 Collazionato con:
1335. Statuti, Quales vestes debent deferre pediseque et alie mulieres servientes.