la legislazione suntuaria. secoli xiii-xvi. emilia-romagna - Direzione ...

Faenza 537
predicta exequantur, ex parte dicti potestatis, incontinenti sine mora; et sic adimplere
teneantur dicti capellani et capitularii, pena et banno dicto potestati librarum XXV
bononinorum, et dicto eius officiali centum solidorum bononinorum pro qualibet
vice qua contrafecerint vel neglexerint predicta, quam incurrant ipso facto, applicanda
comuni Faventie; et pena cuilibet dictorum capellanorum et capitulariorum, qui
contrafecerint vel neglexerint predicta exequi et observare, centum solidorum bononinorum,
de facto auferenda eis et applicanda comuni Faventie ut supra.
Quis modus servandus sit circa sepulturas commitatinorum; et que et qualis et
quanta expensa fieri possit
Item commitatinorum expensas temperantes statuimus et ordinamus quod, pro obitu
alicuius comitatini, non liceat vocari nec haberi ultra VI sacerdotes seu clericos in actu
exequiali talis defuncti; IV candelas de cera quarum XXIV constituunt libram, et solidum
unum bononinorum in pecunia, si et fuerit propinquus domi defuncti per unum miliare;
si autem excesserit miliare, tunc dictas candelas IV et solidos duos bononinorum.
Et si fuerit archipresbiter alicuius plebis, tunc ei dari possint solidos III bononinorum;
rectori vero ecclesie parochialis dari possint, ultra IV candelas, solidos duos
bononinorum, item unus duplirolus ponderis usque ad mediam libram cere; item
pro tenenti turribulum et aquam sanctam, duas candelas de predictis; item ei qui
commendaverit animam defuncti, ultra id quod ei dari supra limitatum est, dari
possit unus duplirolus ponderis usque ad mediam libram cere tantum; pena cuilibet
contrafacienti centum solidorum bononinorum.
Item quod nulli liceat convitare vel convitari facere, pro obitu alicuius defuncti
commitatini vel qui habitet in commitatu Faventie, aliquem de extra dictum comitatum,
nisi fuerit agnatus talis defuncti, vel eius qui ex defuncto remanserit intra
quartum gradum, vel nisi habitaverit prope domum dicti defuncti per unum miliare
vel citra; pena et banno cuilibet contrafacienti X solidorum bononinorum pro quolibet
invitato et venienti ad sepulturam talis defuncti; item quod nullus possit dare
nec dari facere carnes vel pisces alicuius speciei vel maneriei ad commedendum ad
domum alicuius defuncti comitatini pro obitu et occasione obitus alicuius defuncti,
sub pena X librarum bononinorum pro qualibet vice qua contrafactum fuerit.
Item quod, reversis hominibus et personis ab ecclesia ad domum defuncti, omnes
habentes summere commestionem, summant immediate; qua sumpta, immediate
recedant, sub pena X solidorum bononinorum pro quolibet qui ibi remanserit
per plus quam per horam. Et idem intelligatur de mulieribus, salvo quod remanere
possint impune usque ad VI homines et IV mulieres pro societate propinquorum
defuncti, de proximioribus domesticis vel vicinis defuncti vel remanentium ex eo.
Quomodo capitularii se debeant habere tam circa monitiones quam circa investigationes
et relationes et denuntiationes contrafacientium
Item quod quotienscumque contingerit mori aliquem in aliqua scola comitatus
Faventie, quod capitularius illius scole teneatur et debeat ire vel mittere aliquem
sufficientem virum ad domum illius defuncti, et etiam ire ad ecclesiam tempore sepulture
ipsius defuncti, et redire et assistere, cum discumbentibus ad domum ipsius