la legislazione suntuaria. secoli xiii-xvi. emilia-romagna - Direzione ...

Parma 453
libet possit accusare. Et in quantum accusator non interveniat, tota pena applicetur
communi 3 .
De exequiis 4
Item cum cives Parme expensa una gravi et illicita ac immensa graventur, aliqui
debito, aliqui voluntarie, aliqui pudore et metu ne infamiam avaricie incurrant circha
exequias defunctorum ut plurimum accidit, statutum et ordinatum est quod
nulla persona cuiuscumque condicionis existat a modo in antea audeat vel presumat
in ipsa civitate Parme directe vel indirecte alioque modo, via vel ingenio pro
exequiis funerum talium defunctorum habere tenere operari vel portari facere per
vias vel ad ecclesias aliquas ultra duperios sive torticios quattuor, qui non sint nec
esse possint maioris ponderis quam librarum trium onciarum duodecim pro qualibet
libra pro quolibet duperio seu torticio. Et quod dictis exequiis funerum dictorum
defunctorum interesse facere vel pacienciam interessendi prestare presbiteros et
clericos nisi presbiteros et clericos quattuor ecclesiarum tantum, videlicet illos qui
ad predicta invitabuntur, cum cruce cuiuslibet ipsarum ecclesiarum et non ultra,
intelligendo quod fratres et religiosi sive cuiusvis alie regule paupertatis civitatis
Parme, nomine et vice unius ecclesie obtineantur; et quod presbiteris et clericis qui
interfuerint exequiis funerum predictorum dari vel prestari non possint aut debeant
nisi solummodo candelle due cere ad plus, que sint valoris imperialium duorum
pro qualibet candella et pro quolibet presbitero et quolibet exequio, in pena et sub
pena florinorum decem auri contrafacentibus pro quolibet duperio et qualibet cruce
qui ad predicta dari haberi teneri vel portari aut operari repertum fuerit ut supra,
et floreni unius auri pro qualibet candella cere data vel concessa ut supra; applicanda
communi Parme pro medietate et pro alia medietate accusatori. Et quilibet possit
accusare et habere debeat medietatem dicte condemnacionis; ad cuius pene solucionem
teneantur heredes et bona talium defunctorum, et dictus accusatur teneatur
secretus. Exceptis nobilibus militia decoratis ut supra vel habentibus castra.
Addicio: et in singulis et quibuscumque obsequiis funerum seu funeris in quibus
ammodo et in futurum contigerit invitari quatuor cruces et portari quatuor cereos,
interesse illi funeri debeat saltem una crux inter illas quatuor ecclesie maioris
cum duobus vel tribus presbiteris eiusdem ecclesie vel pluribus prout voluerint tunc
facientes exequias funerum, ut sacristia dicte ecclesie possit manutenere luminaria
que contigerit et contiget fieri in dicta ecclesia tam in elevacione sacratissimi corpo-
3 1494 aggiunge Et praesens statutus sit praecisum et debeat observari non obstante aliqua
consuetudine vel indesuetudine, et potestas teneatur providere; et observetur vel observari
faciat sub poena ducatorum XXV auri applicandorum communi Parme.
4 Collazionato con:
1421-1455. Statuti, De exequiis.
1494. Statuti, De exequiis.
1590. Statuti, De exequiis.