la legislazione suntuaria. secoli xiii-xvi. emilia-romagna - Direzione ...

FONTI
1353
Statuti
De sponsalitiis et nuptiis fiendis in terra Carpi et de pena
contrafacientium
Statutum et ordinatum est quod, quandocumque sponsalicia fiunt per aliquos
Carpenses, seu habitantes in terra et districtu Carpi, non debeant interesse dictis
sponsaliciis ultra vigintiquinque homines pro parte, quando vero nuptie fiunt,
non adsint nisi vigintiquinque homines et ad ipsa sponsalicia et nuptias non
audeat vel presumat aliquis tam Carpensis quam forensis portare aliqua arma
offensibilia seu diffensibilia sub pena admitendi dicta arma et decem solidorum
bononinorum pro quolibet genere armorum offensibilium et quinque solidorum
bononinorum pro quolibet genere armorum deffensibilium. Item quod die qua
dicte sponsalicie vel nuptie fierent ad domum alicuius contrahentium ipsa
sponsalitia seu nuptias non debeat coriçari, pena cuilibet habenti ipsa sponsalicia
seu nuptias ad domum centum soldorum bononinorm, pena autem cuilibet
contrafacienti in conducendo ad ipsa sponsalicia, seu nuptias ultra numerum
supradictum, sit decem librarum bononinorum. Et quilibet possit accusare et
denunciare dictos contrafacientes, habiturus viginti soldos bononinorum de dicta
pena et tenebitur secretus. Et quod quilibet celebrans vel celebrare volens dicta
sponsalicia et nuptias, teneatur et debeat denunciare domino potestati Carpi
diem, qua voluerit dicta sponsalicia et nuptias celebrare, sub pena centum
soldorum bononinorum. Et quilibet coriçans contra volontatem habentis
sponsalicia vel nuptias ad domum, incidat in penam illam, in qua incideret habens
nuptias vel sponsalicia ad domum.