la legislazione suntuaria. secoli xiii-xvi. emilia-romagna - Direzione ...

Modena 397
sone prout in dicto statuto continetur mentio. Dicti sapientes, audictis predictis
providerunt, statuerunt et deliberaverunt quod dictum statutum observetur et observari
debeat generaliter per quascumque mulieres et quod alique mulieres aliquarum
personarum non sint exceptuate contentis in dicto statuto, quin comuniter
observetur per quascumque mulieres etcetera.
Tenor provixionis de proybitis vestibus mulierum
(S.T.) In Christi nomine, amen. Anno a nativitate eiusdem millesimo quandringentessimo
vigesimo, indicione terciadecima, die ultimo mensis aprilis. Congregatis
et cohadunatis ad conscilium infrascripti sapientes gerentes negotia comunis
Mutine pro presenti mense aprilis, Mutine in sala magna palacii residentie
domini potestatis, ubi pro talibus peragendis soliti sunt congregari sono campanele
et preconis requisitione ut moris est, quorum sapientum nomina sunt hec
videlicet: dominus Albertus de Belencinis, magister Bernardus de Vivianis, Antonius
de Caloriis, Nicolaus de Albicinis, Daxius de Maçonis, Tomax de Petrizanis,
Gaspar de Fanis, Franciscus de Maclavelis, Galvanus de Gastaldis, Antonius de
Bambace, Gaspar de Bugis et Nicolaus de Cunixelis. De mandato et ad requisitionem
egregii legum doctoris domini Bertolini de Barbalungis de Feraria honorabilis
potestatis civitatis Mutine et eius districtus pro illustri et magnifico domino
domino Nicolao marchione Estense et cetera, spectabillis viri Petri de Pritatis
de Feraria honorabilis capitanei dicte civitatis Mutine et circunspecti viri ser Delayti
de Rodigio massarii generalis comunis Mutine et officialis boletarum et custodie
dicte civitatis Mutine pro prefacto domino nostro domino Nicolao marchione
Estense, qui tres sunt omnes qui representant totum regimen dicte civitatis
Mutine, tunc ibi accessit Georius de Curte civis Mutine, dicens et exponens
quod de anno proxime preterito factum fuit conscilium generale per sapientes
tunc gerentes negotia comunis Mutine, una cum adiectis et adiunctis et una cum
dominis de regimine super statuto de prohibitis vestibus mulierum. Et quod tunc
in dicto consilio provixum et deliberatum fuit dictum statutum esse comune et
generale in omnibus suis partibus et maxime in hoc videlicet quod alique mulieres
civium civitatis Mutine cuiuscunque condictionis et status essent, non possint
habere nixi unam vestem tantum de siricho que non sit foderata de aliqua pelle
nec habeat manicas foderatas de aliqua pelle. Et debere observari per omnes et
singulas quascumque personas mulierum cuiuscunque condictionis et status essent.
Et quod in dicto consilio alique mulieres non fuerint exceptuate qui dictum
statutum observarent. Et quod post predictam provisionem corectum fuit dictum
statutum, ex qua corectione multe et multe mulieres exceptuate fuerunt, prout in
dicto statuto continetur contra voluntatem dictorum sapientum et adiunctorum
et quaxi omnium civium civitatis Mutine. Petens predictus Georius per predictos
dominos de regimine et sapientes de oportuno remedio provideri, quibus audictis
et intellectis predicti domini sapientes habita super predictis sana et matura deliberatione
de voluntate et consensu predictorum dominorum de regimine, volen-