la legislazione suntuaria. secoli xiii-xvi. emilia-romagna - Direzione ...

396 Legislazione suntuaria
non licite tali mulieri penam quinque librarum mutinensium pro qualibet vice qua
contrafecerit incurrat ipso facto. Et qui credatur sacramento accusatoris cum duobus
testibus si accusator vel denuntiator fuerit, teneatur in credentiam si voluerit ac
ipsi officiali et notario ipsius officialis simul credatur et non aliis.
Qui notarius teneatur scribere signa et qualitates rei reperte per modum quod
non possit allegari seu subiri alie res loco reperte, quod si recusaverit ad mandata
ipsius officialis mulier presentare per modum quod possit veritas apparere pena dupli
comittatur ut supra exigenda et applicanda ut supra.
Imponentes iudici victualium potestatis civitatis Mutine, qui diligentem inquisitionem
quolibet die facere teneatur debeat de predictis et penas pro repertis
culpabilibus de predictis exigere intra terciam diem sine aliqua condemnatione
post inventionem factam per ipsum officialem vel denuntiationem seu accusationem
legiptime probatam ut supra. Sub pena ipsi officiali vigintiquinque librarum
mutinensium pro qualibet vice qua predicta omnia et singula adimplere negleserit
ab ipso inremisibiliter auferenda per sindicatores penam tantumdem ipsis negligentibus
iminente et teneatur potestas Mutine tempore sui introytus saltem intra
quindecim dies et successive singulis tribus mensibus durante suo officio presens
statutum et contenta in eo preconiçari facere per loca publica et consueta civitatis
Mutine. Sub pena librarum centum mutinensium pro qualibet vice qua
predicta adimplere neglexerit ab ipso inremisibiliter auferrenda per sindicatores
sub pena tantumdem ipsis iminente. Et predicta sibi locum non vendicent preterquam
in longitudine in uxoribus militum, doctorum et nobilium ac etiam civium
artes machanichas non exercentium et viventium more nobili. Et in uxoribus
cuiuscunque civis qui fuerit in aliquo regimine alicuius civitatis, et in uxoribus
quorumcunque civium qui sibi ipsis faciant vestes eiusdem pani de quo voluerint
uxorem suam induere.
1420, aprile 30
Provvigioni
Sulle vesti proibite alle donne
Congregatis et cohadunatis omnibus suprascriptis sapientibus gerentibus negotia
comunis Mutine ut supra accessit Orius de Curte civis Mutine, dicens et proponens
ipsis dominis sapientibus et predictis dominis de regimine quod de anno proxime
preterito factum fuit consilium generale per sapientes tunc gerentes negotia
comunis Mutine et cum addictis et adiunctis super statuto de proybitis vestibus
mulierum. Et quod tunc in dicto consilio obtentum fuit quod dictum statutum esset
comune et generale et quod dictum statutum observaretur generaliter et observari
deberet per quascumque personas. Et quod alique persone tunc non fuerunt
exceptuate quin dictum statutum observaretur. Et quod post predicta corectum fuit
dictum statutum per personas non habentes auctoritatem corigendi et seu mutandi
dictum statutum, ex qua corectione exceptuate fuerunt quam plures et plures per-