la legislazione suntuaria. secoli xiii-xvi. emilia-romagna - Direzione ...

298 Legislazione suntuaria
rebus facere usque ad summam et quantitatem valoris unius venecti grossi tantum
et non ultra, pena et banno centum soldorum ferrarinorum pro quolibet contrafaciente
et pro qualibet vice. Et quilibet sit et esse possit accusator et habeat medietatem
dicti banni et teneatur in credentia.
Quod nullus habeat ad corpus nisi tres cruces
Statuimus quod nullus de civitate Ferrarie et districtu habeat ad aliquod corpus
nisi tres cruces cum convenienti numero clericorum, quas sit crux ecclesie sue. Et
hoc sub pena quinque librarum ferrarinorum.
Quod nullus habeat ultra quatuor dopleria
Item quod nullus habeat ultra quatuor dopleria, que sint ad plus de quatuor libris
cerre; et hoc sub dicta pena.
Quod corpus portetur copertum
Item quod quodlibet corpus portetur copertum, et hoc sub dicta pena.
Quod nulla persona corruptum faciat qua[n]do corpus portatur ad
ecclesiam
Statuimus et ordinamus quod nemini de civitate Ferrarie seu burgis liceat levare
corruptum seu plangere alta voce propter aliquod corpus mortuum, postquam ipsum
corpus extractum fuerit de domo et portabitur seu portatum fuerit ad ecclesiam,
pena et banno cuilibet delinquenti quadraginta soldorum ferrarinorum pro
qualibet vice. Et quod alique mulieres non possint nec debeant sequi aliquod corpus
nec ire ad ecclesiam quando portabitur seu portatum fuerit ad ecclesiam, pena
et banno predicto; et quilibet sit accusator et habeat dimidiam banni.
De numero hominum qui debent nuptiis interesse
Millesimo ducentesimo octuagesimo octavo, indictione prima. Hec sunt statuta
facta et provisa de voluntate expressa domini marchionis et in pleno maiori consilio