la legislazione suntuaria. secoli xiii-xvi. emilia-romagna - Direzione ...

FONTI
1287
Statuti
De santolis
Statuimus 1 quod per potestatem eligantur duo boni homines et legales pro quolibet
quarterio, qui secrete in quolibet die sabbati sancti et etiam aliis diebus procurent
scire, ne indumentis et aliis rebus per santolos factis aut fiendis expendantur aut
valeant dicte res ultra quantitatem viginti soldorum ferrarinorum et infra tercium
diem postquam sciverint, denunciare potestati; et potestas illos santolos et quemlibet
ipsorum, qui in aliquo fioço expenderent ultra dictam quantitatem, condempnare
teneatur in decem soldis ferrarinorum pro quolibet 2 . Illud adicientes quod aliquis de
cetero vel aliqua non vadat ad dona facienda alicui sponse. Et qui vel que inventus
fuerit vel mittere vel invitare ad predicta facienda, solvat pro banno centum soldos
ferrarinorum et qui invitaverit quadraginta soldos ferrarinorum. Et teneatur potestas
de hoc inquirere diligenter et condempnationes facere singulis kallendis.
De oblatione facienda usque ad valorem unius venecti grossi tantum et non
ultra
Statuimus et ordinamus pro bona consuetudine et comuni utilitate quod, si aliqua
persona de civitate Ferrarie vel districtu voluerit oblationem offerre, quando
aliquis presbiter novus facit primam cellebrationem missarum vel quando aliquis
monacus vel monacha seu persona Deo dicata facit suam professionem, ut possit et
sibi licitum sit ipsam oblationem sive offertam in denariis sive in cereo sive in aliis
1 Sul margine esterno di mano più recente Per potestatem eligantur duo boni viri.
2 Sul margine esterno di mano più recente Nota quod potestas tenetur.