la legislazione suntuaria. secoli xiii-xvi. emilia-romagna - Direzione ...

280 Legislazione suntuaria
Dominus Michael Machirellus idem dixit quod fiat, et debet prohiberi etiam
ne dentur velamina mulieribus consanguineorum defuncti, quia in datione dictorum
velaminum multe fiunt expense, et hereditas multum patitur detrimentum.
Dominus magister Andreas de Ferris surrexit et consuluit predicta esse sacrum
pro utilitate publica dicte civitatis, et in hac reformatione debeat addi quod mulieres
non possint stare super cadaver, ad evitandum aliquas egritudines que ab ipso
corpore nasci possent, quia separata anima ab eo illud corpus corumpitur, et ex eo
sepissime multa mala oriunt.
Multi alii consuluentur quod predicta ut supra proposita et consulta exequantur,
quia omnia ad utilitatem populi Imolensis tendunt, et in decreto fiendo apponatur
pena solvenda statim per contrafacientes.
Quibus ut supra dictis et consultis, prefatus dominus prior, de voluntate et
consensu eius dominorum collegarum, mandavit poni, ut consultum fuit, sequens
partitum, videlicet: quibus videtur et placet quod, vigore presentis partiti, in
futurum hae serventur ordinationes in funeralibus defunctorum, videlicet quod in
morte cuiuscumque persone, cuiusvis conditionis, non possint interesse nisi una
societas disciplinatorum, si defuncti tantum heres eam voluerit, et ecclesia
parrochialis sub qua defunctus curatus fuit, cum sex presbiteris tantum, et ecclesia
in qua sepelitum est, cum totidem presbiteris (et seu fratribus, si dicta ecclesia erit
sub cura fratrum); et ecclesia cathedralis, si eam voluit defuncti heres, in capellanis
decem, mansionariis duobus, quatuor canonicis et duobus dignitaribus dicte
ecclesie tantum, et dumtaxat et non amplius. Et in pompa funebri non possint
defferri nisi quatuor dupleri accensi pro concomitanti cadavere ad ecclesiam ad
quam portabitur.
Et quod cadaver, usque quo permanserit in domo, debeat poni in loco ubi non
possint stari affines neque domestici cuiusvis sexus, sed se recipiant in alio loco domus,
in quo manere debeant amici eos visitaturi; et dum cadaver portatur ad sepolturam,
nullus ex affinibus, domesticis, consanguineis et amicis associet ad ecclesiam,
sed portetur associatus presbiteris et fratribus tantum cum dictis dupleriis accensis,
ut supra dictum est. Nec possint alie campane civitatis pulsari, nisi supradictarum
ecclesiarum, et eorum tantum.
Item quod heredes defuncti, et seu eorum agentes, non possint dare velamina
nisi usoribus, matribus, filiabus, sororibus et soceribus respective defuncti, si in
eisdem dare voluerint, nisi per defunctum super consignatione dictorum velaminum
aliter per eius testamentum fuisset dispositum; sub pena, si contrafactum
fuerit in aliquo ex predictis capitulis, pro quolibet contrafacienti ducatorum decem
auri camere apostolice et comunitati Imole pro medietate, et pro alia medietate
accusatori et executori applicanda. Et hoc statutum sit precisum, et intelligatur
precise ad litteram in quolibet sui parte, non obstantibus statutis, decretis,
usu et consuetudine hucusque observatis, et quibuscumque aliis in contrarium
facientibus.
Dent fabas albas; quibus vero non placet dent nigram. Datis fabis albis et nigris,
et illis secrete recolectis ac publice numeratis, reperte fuerunt fabe albe del sic nu-