la legislazione suntuaria. secoli xiii-xvi. emilia-romagna - Direzione ...

Imola 277
Item quod nullus sutor vel sartor, civis vel forensis in civitate vel districtu Imole,
de cetero audeat vel presumat aliquod vestimentum de predictis incidere vel suere,
aut aliquem pannum ad aliquem ex formis predictis prohibitis supra reducere, facere
vel construere, pena cuilibet contrafacienti pro quolibet vestimento librarum
quinquaginta bonenorum. Et predicta omnia et singula et quodlibet predictorum
intelligatur etiam de forensibus masculis et feminis habitantibus in civitate Imole
vel districtu, salvo quod presens statutum nullum preiuditium gravetur, nec derogetur
quo vigore reformationis de mense iulii proxime preteriti in conscilio sapientum
civitatis Imole, scripta per Zonem Gallassii notarium, domine seu mulieres et
pueri infra quinque annos possint portare vestes quas nunc habent licite et impune
sine aliquibus ornamentis, scilicet hinc ad tres annos tantum.
De observantiis supra funeribus defunctorum
Nullus mortuus debeat portari in brachiis nisi fuerit minor septem annis, sed in
feretro seu barra vel in capsa; et postquam positus fuerit in capsa seu barra et extractus
de domo non ponatur in terra nisi ad ecclesiam, et nullus debeat fieri facere
cereos sive duplerios ad obsequias alicuius defuncti, exceptis duobus dupleriis sive
cereis qui portantur per societatem sancte Marie, qui conveniunt ad laudes.
Et nulla mulier debeat ire ad ecclesiam, nec aliqua adunatio seu congregatio
mulierum fieri in domo de qua extrahunt defunctum a die sepulture in antea, nisi
causa faciendi corruptum sive planctum; et nulla mulier recedendo a domo defuncti
debeat ire plorando vel se fletendo. Et nullus debeat sine et cum mantello, birreto
seu caputeo seu capelina vel infula, quam habuisset tempore aliquo dicti corrupti,
se disbatere et extrahere, sive de capite tollere vel alta voce clamare, vel se capillare;
salvo quod illi qui deputati fuerint ad dandum candellas ad mortuum deferendum
possint se tantum tunc desmantare.
Et nullus debeat ingredi domum defuncti, nisi ad quem vadat, et cum homines
venirent, incontinenti debeant sedere omnes, et nullus stare debeat rectus, nisi fuerit
de vicinia defuncti vel ex traversa linea usque ad tercium gradum consanguinitatis
et affinitatis, qui stare possint in domum, intrare cum mortui de domo extrahuntur,
et in ea competenter conqueri condolere; et omnes alii incontinenti de domo
recedant post reditum, ut supra. Et qui vel que contrafecerit, solvat pro banno
pro qualibet vice in quolibet capitulo centum solidos bonenorum, et maritus teneatur
solvere condemnationem pro uxore delinquente, et in suis doctibus et bonis
computare possit. Et ad hoc ut predicta omnia capitula melius observentur, quatuor
boni homines elligantur de quolibet quarterio per dominum potestatem seu
capitaneum et per antianos de mense maii, que ire debeant et interesse cuilibet defuncto
de suo quarterio, et contrafacientes acusare; quorum denuntiationi, vel saltim
duorum ex eis, vel eorum sacramento stare et stetur cum uno teste bone fame
qui non sit de dictis quatuor hominibus, et habeant et habere debeant mediatatem
condepnationis, et teneatur in credentia.
Et potestas et sui familiares teneantur procedere contra quemlibet contrafacien-