la legislazione suntuaria. secoli xiii-xvi. emilia-romagna - Direzione ...

276 Legislazione suntuaria
mum in capite caputeum seu capellinam, pena cuilibet que contrafecerit, pro qualibet
vice, quadraginta librarum bonenorum.
Item quod nulla persona, masculus vel femina, civitatis vel districtus Imole,
cuiuscunque status vel condictionis existat, de cetero possit vel debeat portare aliquod
vestitum ad retaglium suttum de pannis diversorum colorum, exceptis quam
de medietate per longum equali; et quod aliquod vestimentum alicuius predictorum
non habeat aliquam ymaginem vel figuram, seu literas aut cordellas suttas vel
contestas de seta vel de serico.
Item quod nulla persona, masculus vel femina, civitatis Imole vel districtus, audeat
vel presumat portare in dorso vel in capite vestem de veluto vel samito vel alio
panno deaurato vel de serico, pena quinquaginta librarum bonenorum cuilibet
contrafacienti. Et quolibet predictorum casuum, ubi dicte mulieres penam ex facto
huiusmodi incurerent, teneatur pater pro filia, avus pro nepote in potestate eorum
existentibus non nuptis, et maritus pro uxore ad solutionem condempnationis facte
ob predictorum aliquod de aliqua ex dictis mulieribus possint astringi, cogi et compelli;
ita quod quantum solverit ipse maritus pro dicta uxore ipso facto de docte
eius lucretur et in restauratione doctis fiende mulieri vel alteri pro ea tanta quanta
debeat compensari, et ipso iure compensata habeatur. Ita tamen quod si contingat
aliquam mulierem alicuius uxorem condemnari occasione predicta, ultra solutionem,
potestas non possit maritum qui aliam condempnationem facta de uxore dicta
de causa solverit, compellere ad solutionem condempnationis facte, vel alterius
propria de uxore facte. Sed ipsam mulierem compellere debeat ad solvendum, si
preter dotem habuerit; si vero non habuerit unde solvat, tunc debeat mulierem talem
facere carcerari apud aliquem locum religiosarum mulierum, et frater pro sorore
in domo secum habitante et non nupta. Ad quas penas solvendas predicti et quilibet
predictorum totiens quotiens contrafactum fuerit, per potestatem prefatum
realiter et personaliter compellatur.
Item quod nullus aurifex, civis vel forensis vel districtus Imole, audeat vel presumat
aliquod predictorum ornamentorum superponere alicui vestimento alicuius
predictarum personarum, pena cuilibet contrafacienti et pro qualibet vice et quolibet
vestimento quinquaginta librarum bonenorum.
Item quod potestas civitatis Imole, qui nunc est vel pro tempore fuerit, ex suo
offitio teneatur et debeat de predictis diligenter et efficaciter, non ficte, non simulate
inquirere; et etiam mitere qualibet festivitate solemni unum de militibus seu sociis
ipsius, vel plures per civitatem Imole, specialiter ad ecclesiam seu ecclesias de
mane, hora qua celebrantur divine solepnitates, ubi tale festum celebrabitur omnium
predictorum, et dictus miles teneatur sibi facere ostendere centuras, bursas et
alia in presenti statuto vetita, et ea diligenter inspicere et videre, et contra predicta
vel aliquod predictorum contrafacientes punire et condepnare iuxta penam suprascriptam;
pena et banno potestati prefacto pro qualibet festivitate solepni que per
eum obmissa fuerit, vel aliquod predictorum, quinquaginta librarum bonenorum.
Et sindici, tempore eorum inquisitionis, teneantur et debeant de hoc inquirere, et
inventum potestatem de predictis culpabilem vel remissum, punire secundum formam
presentis statuti pena eisdem sindicis et cuilibet eorum in statuto predictorum
sindicorum contenta. Et sit precisum et pro preciso habeatur et observetur.