la legislazione suntuaria. secoli xiii-xvi. emilia-romagna - Direzione ...

152 Legislazione suntuaria
etiam sartoribus et rechamatoribus in aliquo contrafacientibus librarum quinque
totiens quotiens aliquis vel aliqua ipsarum contrafecerit, dummodo pro qualibet vice
unica pene predicte solutio seu exactio sufficiat facta a marito uxore vel sponsa
pro ipsis ambobus et similiter una a patre vel filia pro ambobus.
Concedimus tamen mulieribus supradictis loco vestium eis ut supra concessarum
habere viliores si dictas suprascriptas habere noluerint, servatis tamen in eis
aliis modificationibus suprascriptis.
Que statuta ut firmiorem observantiam sortiantur preter indictas et supranarratas
penas temporales harum serie et prefata apostolica auctoritate omnes et singulos
utriusque sexus qui omnia et singula in dictis nostris statutis et provisionibus contenta
non observaverint infra terminum sex dierum proxime futurorum si cives fuerint
et intra civitatem Bononie habitaverint, quorum duos pro primo, duos pro secundo
et duos pro ultimo et peremptorio termino assignamus. Si vero sint comitatini
aut in comitatu, guardia et districtu predictis habitantes infra terminum quindecim
dierum postquam ad eorum notitiam pervenerit, quorum quinque pro primo,
quinque pro secundo et quinque pro tertio et peremptorio termino assignamus,
sive parentes fuerint, sive mariti seu quivis alii hortantes vel cum possint non
prohibentes ipso facto excommunicationis penam incidisse decernimus et firmamus,
de qua a nemine nobis inferiore possint absolvi.
Mandantes venerabili viro domino .. vicario episcopi Bononiensis quatenus
hanc nostram excommunicationem et hoc nostrum decretum per omnes et singulas
ecclesias tam civitatis quam comitatus Bononiae faciat publicari et rectoribus illarum
expresse committat quod observationem predictorum populis et parochianis
suis suadeant sub interminatione pene divini iudicii et ultionis.
Datum Bononiae in palatio nostrae residentiae, anno nativitatis domini nostri
Iesu Christi millesimo quadringentesimo quinquagesimo tertio, indictione prima,
die vigesimoquarto mensis martii, pontificatus sanctissimi in Christo patris et domini
nostri domini Nicolai divina providentia pape quinti anno septimo.
Et in predictorum omnium et singulorum fidem, robur et testimonium presentes
nostras litteras seu presens publicum dictarum litterarum nostrarum et statutorum
et ordinamentorum nostrorum predictorum instrumentum fieri per Albertum
de Parisiis, Iacobum Gulielmi et Cesarem de Pançachiis cives notarios publicos Bononienses
et per eos subscrivi et publicari et nostri consueti sigilli munimine roborari,
illudque seu illas in camera actorum populi et comunis Bononiae deponi et
perpetuo conservari iussimus et mandavimus ad perpetuam memoriam et validitatem
omnium et singulorum premissorum. Presentibus omnibus et singulis infrascriptis
egregiis viris Baptista Ludovici de Maçolis, Bartholomeo Laurentii de Cospis,
Michaele Frigirini de Sancto Venantio, Bartholomeo Cesaris de Pançachiis,
Hieronimo Antonii de Canonicis, Iohanne Gasparis de Luporis et aliis quam plurimis
testibus ad predicta vocatis, adhibitis et rogatis 149 .
149 Seguono le sottoscrizioni notarili. 1454 sostituisce Et in predictorum omnium … adhibitis
et rogatis con Volentes dictam provisionem tamquam sanctam et laudabilem suum debitum
perpetuum consequi et obtinere effectum et observantiam perpetuam, statuimus et
ordinamus provisionem predictam observari debere in civitate, guardia et comitatu Bononie