la legislazione suntuaria. secoli xiii-xvi. emilia-romagna - Direzione ...

Bologna 137
1401, gennaio
Registro della bollatura delle vesti
In Christi nomine, amen. In hoc libro cartarum septuagintaquatuor scultarum
bulla comunis Bononie continentur et descripte sunt omnes et singule vestes et
ornamenta hinc retro facta, suta et iam portata omnium et singularum
infrascriptarum dominarum et mulierum infrascriptorum civium et habitantium in
civitate Bononie porectarum et productarum per infrascriptos homines et personas
coram et presentibus fratribus de sigillo presentium magnificorum dominorum
dominorum antianorum populli et comunis Bononie et per ipsos fratres bullate bulla
eis ordinata secundum formam statutorum super hoc disponentium et cride pro
parte regiminum civitatis Bononie emanate sub annis Domini millesimo
quadringentesimo primo, inditione VIIII, diebus et mensibus infrascriptis, et scripte
per me Gandulfum Nicolai de Fantutiis notarium et nunc notarium dictorum
dominorum antianorum et cetera.
Die vigesimo quinto mensis ianuarii.
1. Domina Chaterina uxor Iacobi filii Pauli de Bonfigliis presentavit unam vestem
silicet sacum zetalini avelutati albi affigurati, que fuit bullata bulla ordinata,
que domina Chaterina moratur in capella Sancti Zervasii.
2. Domina Camilla filia olim domini Eghani de Lambertinis et uxor olim Andree
Bartholomei Bolognini capelle Sancti Stephani presentavit unum saccum
zetalini crimisini brochati a brochis magnis de auro, que fuit bullata bulla predicta,
cum uno fileto frangie a collo.
3. Domina Camilla predicta presentavit unum saccum panni lane viridis scuri
recamatum ad acum de auro fino cum avibus, zervis et arboribus in recamatura,
que bulata fuit bulla predicta.
4. Domina Billia uxor Bartolomei Bolognini presentavit unum saccum zetalini
crimisini brochati a brochis magnis de auro cum certis avibus de sirico intermistis,
que fuit bulata bulla predicta.
5. Domina Lutia uxor Thomi Blasii de Calcina capelle Sancti Felicis presentavit
unum sachum zetalini avelutato nigri, que fuit bullata bulla qua supra.
6. Domina Iacoba uxor Iacobi filii Blasii de Calcina capelle Sancti Felicis presentavit
unam vestem zetanini avelutata nigri, que fuit bullata bulla qua supra.
Die XXV ianuarii.
7. Iohannes Bolognini de Sirico capelle Sancte Marie Roverse presentavit unum
saccum panni lane albi recamatum de sirico cum arboribus, animalibus et aliis
literis cum bandelis iuxta pedes, que fuit bullata bulla predicta usitata, que vestis
est ad usum Misine sue filie domicelle.
8. Iohannes predictus presentavit unam aliam vestem panni albi mediam recamatam
ut supra et aliam mediam non recamatam, que est deputata usui Philippe
sue filie domicelle, que fuit bullata bulla predicta.
9. Iohannes predictus presentavit unam vestem a turlo afrapatam divisati et panni
rubei usui Misine sue filie, que fuit bulata ut supra.