la legislazione suntuaria. secoli xiii-xvi. emilia-romagna - Direzione ...

Bologna 127
aliud inconveniens eveniat similiter prohibuerunt ne intrent domos privatarum
personarum.
Ad quas penas predicti et quilibet predictorum per dominum potestatem civitatis
Bononie et dominum capitaneum populi vel alterum eorum qui per tempora
fuerint realiter et personaliter compelantur, et sindicus sceu scindici dictorum domini
potestatis et capitanei teneantur et debeant tempore dicti sindicatus legiptime
et solenniter inquirere etiam nullo instante vel petente utrum prefati dominus potestas
et capitaneus et eorum officiales ad predicta specialiter deputati fuerint negligentes
et remissi in eorum officiis rimando et solenniter inquirendo de facientibus
contra formam presentis statuti et contentorum in eo. Et si reperiretur ipsos vel aliquem
ipsorum fuisse negligentes et remissos puniantur et condemnentur in centum
libris bononinorum aplicandis comuni Bononie et de eorum salario retinendis
tempore sindicatus predicti per officiales comunis Bononie.
Et ut predictorum notitia habeatur providerunt quod dominus potestas vel
capitaneus debeat in locis publicis et consuetis facere publice proclamari sono tube ut
est moris et omnia et singula capitula huius statuti vulgariter legi per unum ex suis
notariis et exponi ipsi banitori et per banitorem alta voce dici. Et postea in principio
regiminis uniuscuiusque eorum ille qui preerit debeat facere proclamari in locis
consuetis generaliter quod omnes quiuscumque condicionis et status existant de
vestibus et ornamentis mulierum disposita et ordinata debeant observare et in aliquo
non contravenire sub pena in statuto contenta. Scientes quod dilligens discusio et
inquisicio fiet de predictis et repertus culpabilis inremisibiliter punietur. Et ut quilibet
possit faciliter examinare et videre dictum statutum in qualibet sui parte providerunt
et statuerunt quod notarius deputatus ad provisorem iusta portam Ravenatem debeat
tenere continuo unam copiam quam cuilibet hostendere possit et ad hanc copiam
tenendam dominus potestas et dominus capitaneus eos compellant remediis
opportunis.
1401, gennaio
Statuto suntuario
Provisio super ornatu mulierum anni 1401
In Christi nomine, amen. Eiusdem nativitatis anno millesimo quatricentesimo
primo, inditione nona, die penultima mensis ianuarii, tempore pontificatus domini
Bonifacii divina providentia pape noni. Quia decet quoslibet rem publicam gubernantes
subdittos suos conservare locupletes et eorum utilitates et comoda promovere
curamque et diligentiam adhibere possetenus ut per ambitiosas, inutiles et immoderatas
expensas suas non dissipent facultates, ideo sapientes et discreti viri domini
Thomas de Sancto Iohanne et Nicolaus de Aççoguidis legum doctores, Iohannes
de Monterinzoli, Iacobus Plevalis et Matheus Fucii notarii et procuratores, Bartolomeus
Bolognini de Seta, Laurentius de Mattaselanis, Zannus de Malviciis et