la legislazione suntuaria. secoli xiii-xvi. emilia-romagna - Direzione ...

Bologna 125
ubi festum singulare et solenne fieret sceu sacerdos aliquis novus missam primam
celebraret pro executione omnium predictorum, dum tamen non possint neque valeant
in aliqua ecclesia ipsum officium exercere.
XIIII. Item ire teneantur dicti notarii et officiales ad domos cuiuscumque sponsi
et sponse tempore nuptiarum et diligenter inquirere de facientibus contra formam
presentis statuti vel contentorum in eo, quorum officialium relaptioni stetur et credatur
dum tamen non intrent domum sceu domos alicuius civis vel habitatoris civitatis
Bononie pro predicto officio exercendo.
Item providere volentes sumptibus inordinatis tenore presentium statuerunt
quod nemini civi, incole, forensi vel habitatori civitatis Bononie etiam occaxione
alicuius matrimonii celebrati, contracti, facti vel fiendi liceat quolibet tempore
sponsalium, nuptiarum vel matrimonii contrahendi vel in aliquo quocumque convivio
habere ultra treginta dominas, in hiis dominabus etiam in eadem domo et familia
existentibus computatis tam ex parte sponsi quam sponse, nixi esset dies qua
domine vadunt ad reducendam sponsam ad domum patris vel matris vel parentum
ipsius sponse, quo casu euntes pro sponsa non debeant numerari, quibus dominabus
in convivio sceu prandio more comensali liceat unicuique civi providere in dictis
nuptiis vel convittiis de duabus imbandisonibus carnium et non ultra, super
quibus stetur relationi officialium ad hoc deputatorum vel alterius eorum nixi contrarium
probaretur, prohibentes tamen cuicumque officiali quod non intrent domum
aliquorum civium civitatis Bononie vel forensium habitancium in dicta civitate
pro dicto eorum officio exercendo.
Inhibentes expresse quod nemini liceat ex parte sponsi vel sponse aliqua ensenia
facere de pannis, iocalibus et ornamentis et alia re, salvo quod liceat sponso donare
sponse res repportandas per eam in domo sponsi, nec etiam liceat ex parte sponsi
vel sponse tempore convii nuptialis aliqua ensenia comestibilia publice vel oculte
mittere alicui persone nixi eis qui sponsam duxerint ad domum sponsi, nam tunc
possit sponsus ensenium aliquod mittere sed non teneatur. Contrafacientes autem
in penam ipso facto incidant et incidisse intelligantur unius bononini auri pro quolibet
ensenio et qualibet vice ab eisdem de facto auferenda et aplicanda ut infra.
Item providere cupientes inmoderatis sumptibus viduarum et que fiunt tempore
viduitatis ipsarum, statuerunt quod nulli mulieri vidue vel viduande de aliquo cive
Bononie incola vel habitante qui beneficio civilitatis gaudere debeat, liceat etiam
tempore exequiarum vel postea, habere vel portare vestes lugubres vel viduales
maioris exstimacionis quinquaginta librarum bononinorum, nec etiam aliquas vestes
foderatas de vario vel armelino, dossis de vario, squiratollis vel martorellis aut
etiam habere velos in capite et pro ornatu capitis ipsius mulieris vidue, vel portare,
maioris precii pro ipsis velis ad plus maioris exstimationis decem librarum bononinorum,
etiam pretestu cuiuscumque relicti facti ultra sumam predictam occaxionibus
predictis vel aliqua earum, que legata sceu relicta esse[n]t ultra quantitatem
predictam, et ex predicta causa volumus ipso iure non valere in quantitate excedente
sumam dictarum decem librarum bononinorum et dictarum quinquaginta librarum
bononinorum, nec heres ea prestare sceu dare possit sub infrascripta pena, nec
ad ea prestanda heres ipse quomodolibet cogi possit, nec ipsa mulier cui relinquere-