la legislazione suntuaria. secoli xiii-xvi. emilia-romagna - Direzione ...

Bologna 123
tato vel non smaltato, dum tamen pondus argenti et auri smaltati ipsarum centure
et tesuti defferendum tesuto et omnibus eidem sutis vel afixis computatis non excedat
pondus decem untiarum, nec eidem sint claudate vel cavate aut afixe alique
perle vel lapides preciosi.
IIII. Item non possint portare aliquod perfilum maioris latitudinis sceu altitudinis
pancie in gabano vel sacho observetur capitulum in et super hoc descriptum.
V. Item non possint portare in digitis ultra tres anulos, quos portare possint
cum gemis, perlis et aliis lapidibus preciosis vel non.
VI. Item non possint portare aliquas vestes de veluto afigurato vel cum pilo lungo
quovis modo sceu brochato de auro vel argento aut de aliquo panno de lana vel
de siricho vel nusto cuntesto de auro vel argento vel qui habeat saldam, nec aliquas
vestes ad torlos, undas, mandolas, saglias, gradas, schaiones et similes nixi ut infra
describitur, nec portare gabanum sceu sachum perfilatum ad collum vel ad pedes
latiori perfilo quam sit latitudo unius uncie, manice autem cuiuscumque vestis non
possint esse latiores uno brachio et tercio mensurando circhum circha, et non possint
esse longiores quam sit brachium cum manu mulieris vestem deferentis, salvo
quam ad pannos veteres et iam factos dum tamen sint bolati.
VII. Item non possint portare sceu vestitam habere aliquam vestem in aliqua sui
parte rechamatam, nel aliquos botones sceu maspilos rechamatos, nixi essent vestes
veteres ut infra dicetur et bulatas ut supra, nec etiam deffere ad collum vel ad petus
nec ad brachia aliquem zoglielum nec aliquam divixiam vel collarinum alicuius precii.
VIII. Item non possint portare aliquas vestes foderatas de aliquibus pellibus, videlicet
armelini, varii et dosubus varii, squiralatorum, varotarum et martirelorum
in totum vel pro parte sute vel non sute ipsis vestibus de suptus vel de super nec alterius
generis foderationis eiusdem vel maioris valoris, salvo quod liceat eis portare
de dictis pellibus, excepto et armelino pro vistis manicharum vel perfilis sceu filitis,
predicta autem huius capituli non se extendant ad mulieres et dominas cuiuscumque
conditionis etatis quadraginta annorum et abinde supra, de qua etate stetur sacramento
ipsarum, nec ad uxores vel filias non nuptas militum vel doctorum iuris
civilis vel canonici, medicine sceu phisice.
VIIII. Item non possint portare manigotos ad aliquas suas vestes quovis modo
latitudinis maioris mensure trium untiarum ad mensuram comunis Bononie
foderatas vel non foderatas. Item quod possint portare vestes iam factas tempore
proclamationis facte, non obstante quod sint prohibite ex forma presentium
capitulorum, dum tamen manice que essent latiores vel longiores quam supra
reducantur atque bulentur ad formam permissam de qua supra continetur, et dum
tamen in eis non sint perle vel aliquod argentum ultra pondus argenti supra
permissum, non computatis in hiis recamaturis vel cordellis, que vestes ut supra
facte portari possint usque ad octo annos solum a die proclamationis facte et fiende
de predictis pro parte domini potestatis Bononie et capitanei, ita tamen quod ipse
vestes veteres que ut supra permisse sunt portari dentur et porigantur in scriptis
coram domino potestate et capitaneo vel alio eorum officiali deputando infra
terminum cride et bulentur et bulate reperiantur bulla ordinata per magnificos
dominos nostros antianos, de quibus vestibus porigendis fieri debeat unus liber in