la legislazione suntuaria. secoli xiii-xvi. emilia-romagna - Direzione ...

Bologna 121
taxandum pondus et extimationem iocalium et perlarum sit presens massarius
campsorum et aurificum cum sacramento vel deputati per dictos massarios videlicet,
unus pro quolibet cum sacramento et habeant predicti cives et extimatores et
habere debeant pro qualibet stampitura seu bullatura denarios sex tantum, non tamen
aliquam centuram vel iocale perlarum contra formam predictorum statutorum
factam et factum stampare vel bullare, sub pena quinqueginta librarum bononinorum
pro qualibet vice qua fuerit contrafactum. Et de predictis vestibus, centuris et
iocalibus que bullantur sceu stampantur fiat unus [liber] in quo per ordinem scribantur
predicta et cuius sunt ponendo nomen, prenomen et capellam taliter quod
persona cuius erit sciri et cognosci possit et res stampanda sceu bullanda.
Item voluerunt et statuerunt quod non aliqua domina cuiuscunque conditionis
et status existat que de cetero possit nec debeat in dorso aliquam vestem de panno
divisato de seta laborato nisi fuerint stampate et facte ut supra.
Item statuerunt et ordinaverunt quod liceat cuicunque persone cuiuscunque
status et conditionis si contingat aliquem mori habere ad corpus sceu exequia octo
funalia sceu dupleria et non ultra. Salvo quod predicta non intelligantur si fuerit
millex vel doctor cui et quibus liceat habere viginti et non ultra.
Insuper volentes ut predicta statuta perpetuum et plenum sortiri possint effectum
providerunt quod nullus civis vel forensis dicere, proponere vel arengare vel
consulere possit, audeat vel presumat contra contenta in hoc statuto vel aliqua contenta
in ipso vel propter quod derogari possit aliquibus contentis in hoc statuto et
quilibet qui contrafecerit in predictis, ipso facto incidat in penam centum librarum
bononinorum communi Bononie applicandam et exigendam de facto per prefatos
dominum potestatem et capitaneum vel alterum eorum.
Preterea statuerunt quod quilibet possit accusare, denuntiare vel notifficare quascunque
personas delinquentes contra predicta vel aliquod predictorum publice, palam
et secrete pro libito ipsorum denuntiare volentium domino potestati et eius curie
et domino capitaneo populi et eius curie, cuius denuntiatoris dicto cum sacramento
credatur cum dicto et sacramento duorum testium fidedignorum et habeant
et habere debeant tales denuntiatores tertiam partem pene que exigetur de tali denuntiatione.
Item statuerunt quod prefati domini potestas et capitaneus et quilibet ipsorum
possint, teneantur et debeant inquirere eorum mero offitio contra omnes et singulos
delinquentes et fatientes contra formam presentis statuti et omnium contentorum
in eo. Ac etiam ad denuntiationem cuiuscunque denuntiare volentis et quocunque
modo procedatur sumarie de plano simpliciter et de facto sine strepitu et
figura iuditii et veritate reperta possit condennare omni iuris et statutorum solenniter
et substantialiter. Et habeant et habere debeant dicti potestas et capitaneus qui
condennationes fecerint de condennationibus fiendis per eos et exigendis tempore
eorum offitii de predictis vel aliquo predictorum tertiam partem condennationis
que exigetur de predictis. Inhibentes offitialibus, nuntiis et famulis et notariis ad
hoc deputandis predictorum dominorum potestatis et capitanei quod in exercendo
eorum offitium camuffatos, travestitos vel solos non debeant incedere, set semper
secum habere debeant unum nuntium portantem in capite cappellinam discoper-