la legislazione suntuaria. secoli xiii-xvi. emilia-romagna - Direzione ...

120 Legislazione suntuaria
quiarum in eis habundare non modicum. Statuerunt quod nulli mulieri vidue vel
viduande de aliquo cive Bononie, incola vel habitatore, qui benefitio civilitatis gaudere
debeat, liceat etiam tempore exequiarum vel postea habere vel portare vestes
lugubres vel viduales maioris extimationis quatraginta librarum bononinorum nec
etiam aliquas vestes foderatas de varo vel armelino, dossis de varo, squiratollis vel
martorelis aut etiam habere vellos in capite et pro ornatu capitis ipsius mulieris vidue
vel portare maioris pretii pro ipsis velis ad plus decem librarum bononinorum
etiam sub pretestu cuiuscumque relicti facti ultra summam predictam occasionibus
predictis vel aliqua earum. Que legata sceu relicta volumus ipso iure non valere nec
heres ea prestare sceu dare possit sub infrascripta pena nec ad ea prestanda heres
quolibet cogi possit nec ipsa mulier cui reliqueretur recipere possit vel audeat quoquomodo,
sub pena et ad penam vigintiquinque librarum bononinorum cuilibet
partium predictarum etiam tam danti quam recipienti ipso facto exigenda et applicanda
ut supra.
Volumus tamen quod nulli mulieri liceat portare vellos vel vellum terçarolum
vel terçarolos, orditum sceu textum orditos sceu textos in totum vel in partem de lino,
nisi duntaxat pro morte mariti et tunc valoris decem librarum bononinorum ad
plus ut supra. Sub dicta pena auferenda et applicanda et exigenda ut infra proxime.
Possint tamen mulieres portare panisellos et velloselas modo consueto absque velis
lini pendentibus supra pectus. Nulli etiam mulieri liceat portare vestes lugubres simul
cum vellis etiam sibi permissis in habitu lugubri, nisi modo, tempore et forma
infrascripta videlicet, quod possint dictas vestes et velos, qui tamen non sint de lino
ut supra portare pro morte parentum suorum aut parentum mariti usque ad tres
menses ad plus et pro morte fratris et sororis aut consanguineorum carnalium
utriusque sexus tam mariti quam ipsarum mulierum usque ad duos menses. Pro
morte vero aliarum personarum possint portare per unum mensem ad plus, sub pena
et ad penam vigintiquinque librarum bononinorum pro qualibet et qualibet vice
exigenda et applicanda ut infra. Vestes tamen licet facte fuerint pro luctu possint
portare sine velis quantum eis placuerint.
Et ne sub pretestu veterorum panorum vel centurarum et minoris ponderis perlarum
et centurarum predictarum mullieres prosiliant ad aliqua portanda contra
formam presentium statutorum et ut ipse vestes valeat discerni.
Ordinamus quod per magnificos dominos antianos elligatur et deputetur unus
offitialis qui bullare sceu stampare debeat vestes veteres que sunt contra formam
presentium statutorum et permissas defferi usque ad tempus secundum formam ipsorum
statutorum limitatam et quod nulla mulier deferre possit seu supra se habere
aliquas de dictis vestibus veteribus permissis, nisi solum usque ad tempus ut supra
vel infra nec aliquod reale de perlis sceu cum perlis vel aliquam centuram permissam,
nisi primo sit stampata sceu bulata dicta bulla sceu stampa deputanda dicto
offitiali, sub pena quinque librarum bononinorum pro qualibet vice qua fuerit contrafactum
et quod non possit tale repertum contra formam presentium statutorum
amplius deferri. Statuimus etiam quod dictus offitialis teneatur et debeat bullare
sceu stampare eas vestes, centuras et etiam iocalia taliter quod ipsis iocalibus nichil
addi possint quin expresse videatur et cognoscatur quotiens fuerit requisitus. Et ad