la legislazione suntuaria. secoli xiii-xvi. emilia-romagna - Direzione ...

Bologna 113
Liceat tamen cuilibet mulieri portare vel deferre gabanum de pannis non prohibitis
ex forma presentis statuti, dummodo non sit perfilatum nec apertum in aliqua sui parte,
sub pena pro qualibet vice librarum quinque bononinorum dividenda et applicanda
ut supra.
Nec liceat alicui mulieri portare vel defferre in dorsum aliquam mantelinam
curtam alicuius forme vel maneriei, sub pena librarum quinque bononinorum dividenda
et applicanda ut supra, set portare eisdem liceat mantellum lungum duntamen
non sit foderatus varo vel varota, nisi sit uxor militis vel doctoris.
Item non possint portare aliquam vestem super qua sint alique ymagines vel figure
vel alique littere recamate sirici seu maspili recamati de auro vel argento, sub pena
quinque librarum bononinorum vice qualibet qua fuerit contrafactum dividenda et
applicanda ut supra.
Liceat autem cuilibet mulieri cuiuscumque status et conditionis existat vestes
quascumque de pano scarlati et de pano nuvelato habere et etiam de quolibet genere
pani lane gentilis vel non, dummodo in eo non sint alia ornamenta prohibita ex forma
presentis nostri statuti. Prohibentes etiam quod aliqua mulier non possit habere aliquod
perfilum ad aliquam vestem quod excedat medium pançiam de vario seu varota, pena
quinque librarum bononinorum pro qualibet et vice qualibet qua fuerit contrafactum
dividenda et applicanda ut supra, nisi sit uxor doctoris decretorum vel legum vel
alicuius militis.
Item non possint portare aliquam vestem ad intaglium de panis diversorum colorum
nec colaretam vel gurgirolam recamatam vel modo aliquo laboratam sirico vel argento,
sub pena quinque librarum bononinorum vice qualibet qua fuerit contrafactum
dividenda et applicanda ut supra, nisi dicte vestes essent ad medietatem per longum
seu ad circulos vel schisones vel ad animam vel falçonem vel fictas, quo casu defere liceat
et non aliter, sub pena qua supra pro qualibet et qualibet vice dividenda et applicanda
ut supra.
Item non possint portare aliquas vestes foderatas seu perfilatas de armelino modo aliquo,
sub pena quinque librarum bononinorum pro qualibet differente et vice qualibet
dividenda et applicanda ut supra.
Item non possint portare manighotos ad aliquas vestes suas quovis modo latitudinis
ultra trium unciarum ad mensuram comunis Bononie. Liceat tamen tales vestes et maneghotos
non prohibitos portare et defere foderatos et perfilatos de vario vel varota, dummodo
aliquod perfilum non excedat mediam varotam vel panzam. Et hoc sub pena
quinque librarum bononinorum pro qualibet et vice qualibet dividenda et applicanda
ut supra.
Declarantes quod liceat cuilibet mulieri cuiuscumque conditionis et status existat portare
et defere in dorsum quascumque vestes non prohibitas orlatas de una cordela aurea
vel argentea, dummodo cordele, quas apponi contigerit in vestibus fiendis non excedant
pondus quatuor unciarum ad plus pro ornatu ipsius vestis, sub pena et ad penam quinque
librarum bononinorum pro qualibet et vice qualibet qua fuerit contrafactum dividenda
et applicanda ut supra. Et idem servetur in vestibus veteribus et iam factis, sub
pena predicta dividenda et applicanda ut supra, quas aliter deferi prohibemus. Ab hiis
excipimus vestes de dalmasco iam factas, quas portare liceat a die publicationis pre-