la legislazione suntuaria. secoli xiii-xvi. emilia-romagna - Direzione ...

Bologna 103
intraverint ecclesiam, statim et sine mora per eamdem vel aliam portam ecclesie
exire debeant.
Item dicimus quod postquam defunctus vel defuncta traditus vel tradita fuerit sepulture
et homines qui affuerint sepulture redierint ad domum in qua morabatur defunctus
vel defuncta, quod omnes mulieres que fuerunt ad exequias defuncti vel defuncte incontinenti
disedere debeant a domo defuncti vel defuncte, ita quod nulle remaneant ibi,
nisi fuerit mater vel noverca vel soror vel filia vel socrus vel cognata vel filia fratris vel
sororis vel coniuncte usque ad quartum gradum defuncti vel defuncte vel viduate, sub
pena viginti solidorum bononinorum pro qualibet, que ultra predicta remanserit, de
dote sua solvenda. Item quod nullus debeat arengare ad aliquod corpus seu ocasione alicuius
defuncti comendando defunctum vel aliqua alia exponendo in modum arengandi
nisi fuerit milex vel doctor 118 mortuus. Item quod nullus ducat secum ad aliquod corpus
defuncti ultra decem homines ad plus per se vel alium modo aliquo vel ingenio,
computata persona conducentis, pena et banno quinque librarum bononinorum ei qui
duceret, et cuilibet qui duceretur ad corpus ultra dictum numerum viginti solidorum
bononinorum pro quolibet et qualibet vice, exceptis societatibus artium et societatibus
fraternitatum 119 . Item quod nullus civis faciat venire comitatinos aliquos seu rusticos
pro comuni et singulariter ad aliquod corpus seppeliendum vel plorandum sive ad domum
suam, pena et banno vigintiquinque librarum bononinorum cuilibet comuni, et
cuilibet venienti quinque librarum bononinorum, et successoribus defunti vigintiquinque
librarum bononinorum pro qualibet vice. Salvo quod coniuncti vinculo parentele
usque ad quartum gradum possint venire. Et super predictis omnibus et singulis dominus
potestas possit et teneatur inquirere per se vel per tabellionem vel per quem deputaverit
ad predicta et per famam et per aspectum, per probationes, inditia et presumptiones
et quolibet alio modo quo melius fieri poterit, mittendo tabellionem personaliter,
publice et secrete ad exequias mortuorum; qui notarius referat contrafacientes et ipsos
puniat potestas predictis penis.
Prohibemus etiam quemlibet mortuum indui vel vestiri de scarlato vel de panno
francigeno vel alio extimationis ultra treginta solidorum bononinorum pro quolibet
brachio, sub pena vigintiquinque librarum bononinorum heredi defunte persone
de facto auferenda et eius gestori per dominum potestatem Bononie vel alium ex
officialibus ipsius domini potestatis.
Item quod nullus portet vel mittat aliqua exenia cruda vel cocta ad domum olim
alicuius mortui vel suorum ascendentium vel descendentium vel heredum nec ad aliam
domum in fraudem recipiat antequam corpus tradatur sepulture, vel etiam post per octo
dies. Nec etiam possit esse in prandio vel in cena cum sucessoribus vel aliquibus assendentibus
vel descendentibus persone defunte infra terminum decem dierum, exceptis
agnatis vel cognatis defunte persone proximis usque ad sestum gradum incluxive; et
etiam exceptis vicinis de quibus, inter omnes, possint esse numero sex et non ultra qualibet
vice, excepta famillia defuncti, pena cuilibet mittenti et cuilibet recipienti et cuilibet
118 1454 aggiunge vel alius vir insignis.
119 1454 aggiunge et battutorum.