la legislazione suntuaria. secoli xiii-xvi. emilia-romagna - Direzione ...

Bologna 77
si contingat defunctum sepelliri ad ecclesiam sive capellam suam. Et si contingerit
sepeliri ad alliam ecclesiam vel capellam, tunc ultra dictum numerum viginti, liceat
habere illos sacerdotes vel religioxos vel cllericos qui sunt de ecclesia ubi sepelietur et
illos qui sunt de capella seu ecclesia mortui, sub pena heredibus vel successoribus
defuncti vigintiquinque librarum bononinorum. Et quilibet possit accusare et
denunciare, medietas cuius banni sit accusatoris et allia comunis, et teneatur in
credenciam denunciator. Et super predictis omnibus et singullis dominus potestas possit
et teneatur inquirere per se vel per tabellionem quem deputaverit ad predicta et per
famam et per aspectum, per probationes, inditia et presumptiones et quolibet allio modo
quo mellius fieri poterit, mitendo tabellionem personaliter, publice et secrete ad exequias
mortuorum, qui notarius refferat contrafacientes et ipsos puniat potestas predictis penis.
Item quod nullus portet vel mitat aliqua exenia cruda vel cocta ad domum olim alicuius
mortui vel suorum assendentium vel dessendentium vel heredum nec ad alliam
domum in fraudem, vel recipiat antequam corpus tradatur sepulture, vel etiam post
per octo dies.
Nec etiam possit esse in prandio vel in cena cum sucessoribus vel aliquibus assendentibus
vel descendentibus persone defunte infra terminum decem dierum, exceptis
agnatis vel cognatis defunte persone proximis usque ad sestum gradum incluxive;
et etiam exceptis vicinis, de quibus, inter omnes, possint esse numero sex et
non ultra qualibet vice, excepta famillia defuncti, pena cuilibet mitenti et cuilibet
recipienti et cuilibet existenti in prandio vel in cena contra predictam formam, vigintiquinque
44 librarum bononinorum. Et predicta et quodlibet predictorum faciat
dominus potestas publice preconiçari infra quindecim dies ab introytu regiminis
ipsius potestatis; et eos, quos repererit contrafacientes, punire in penis predictis teneatur,
sub pena centum librarum bononinorum. Salvo quod predicta non inteligantur
in exequiis millitum vel doctorum vel advocatorum iuris civillis vel canonici
vel doctorum medicine vel uxorum eorum, vel patrum 45 vel matrum ipsorum vel
alicuius eorum. Addicientes quod ad exequias alicuius civis vel habitatoris civitatis
Bononie vel ad ecclesias pro ipsius exequiis, ire non debeant dominus potestas vel
dominus capitaneus populli Bononie vel alicuius eorum familie vel ançiani et consulles
populli Bononie, durantibus eorum officiis, nisi esset eppiscopus Bononie vel
allius eppiscopus vel maior prelatus seu baro; nec tunc nisi hoc firmatum fuerit per
dominum capitaneum, ançianos et consulles populli Bononie qui pro tempore fuerint
46 , sub pena contrafacientibus quingentarum librarum bononinorum pro quolibet
et qualibet vice.
44 vigintiquinque] quinque 1352, 1357.
45 patrum] parentum 1357.
46 dominum … fuerint] dominum capitaneum et locum tenentem domini nostri 1352]
prefatum dominum nostrum 1357.