la legislazione suntuaria. secoli xiii-xvi. emilia-romagna - Direzione ...

Bologna 73
Item interrogatus super ultimo articulo dicte intentionis, respondit quod de
predictis omnibus et singulis est publica vox et fama. Interrogatus quomodo scit,
dixit quia publice dicitur, et dixit quod non testificatur hodio et cetera.
Die predicta.
Dominus Cambius domini Ugolini Osberti testis iuratus ut superius, contra receptus
et examminatus super primo articulo dicte intentionis sibi lecte, respondit et
dixit quod domina Alpesana filia domini Iohannis Cambii est uxor domini Petroboni
de Bactagluçis et retinuit pro sua uxore iam sunt triginta anni et ultra ornatam
indumentis et aliis ornamentis ut alii cives tenent uxores eorum. Interrogatus quomodo
scit, respondit visu et quia vidit eam desponsari.
Item interrogatus super secundo articulo dicte intentionis, respondit et dixit
quod dictus Bactagluççius est filius predicti domini Petroboni et predicte domine
Alpexane et quod natus fuit ex predictis. Interrogatus quomodo scit, respondit quia
sic reputatur et nominatur ab omnibus qui eum cognoscunt.
Item interrogatus super tertio articulo dicte intentionis, respondit et dixit quod
predictus dominus Petrobonus et dicta domina Alpexana retinuerunt dictum Bactagluccium
pro eorum filio toto tempore vite dicti Bactagluçi ut alii tenent suos filios
pro filiis, vocando eum suum filium et ipse vocando eum suum patrem. Interrogatus
quomodo scit, respondit visu et auditu.
Item interrogatus super ultimo articulo dicte intentionis, respondit et dixit
quod de predictis omnibus et singulis est publica vox et fama. Interrogatus quomodo
scit, dixit auditu, et dixit quod non testificatur hodio et cetera.
Die quarto iunii.
Dominus vicarius ad bancum malleficiorum in palatio veteri presente et petente
dicto Bactagluçio pronumptiavit testes predictos et testes super inquisitione contra
Bactagluççium facta receptos et eorum dicta et totum dictum processum fore aperta,
lecta et publicata.
1304, maggio 18 e giugno 5
Riformagioni
Riformagione relativa al funerale di Lambertino Ramponi
In primis quid placet dicto consilio providere super infrascripta posta seu petitio
cuius tenor talis est. Cum dominus Lanbertinus Ranponus doctor legum sit mortuus,
suplicatur vobis domino capitaneo, ançianis et consulibus populi Bononie
quod vobis placeat proponere in consilio populi et in eo facere reformationem
quod non obstante statuto quod loquitur sepulturis et obsequiis mortuorum civium
civitatis Bononie possit super sepulturam ipsius domini Lanbertini expendi
ad voluntatem filiorum ipsius, et quod domini potestas et capitaneus possint personaliter
cum earum familiis sine pena ire ad osequia ipsius, et quod cera in ceriis,
dupleriis et candelis et aliis rebus vetitis per statuta comunis possint esse ad voluntatem
heredum ad hoc ut honorifice possit sepeliri non obstantibus aliquibus statutis
et cetera.