la legislazione suntuaria. secoli xiii-xvi. emilia-romagna - Direzione ...

Bologna 71
dixit quod campane ecclesie Sancti Petri maioris suprascripti die predicta pulsate
fuerunt ad martellum, sed nescit pro quo corpore.
Bonianinus Aderardi testis iuratus de veritate dicenda, receptus et interrogatus
super dicta inquisitione, respondit et dixit quod campane Sancti Petri predicti dicta
die pulsate fuerunt ad martellum, sed nescit pro quo corpore.
Die vigesimo maii.
Bactagluççius domini Petroboni de Bactagluççis cappelle Sancte Marie maioris
iuratus de veritate dicenda coram vicario suprascripto, examminatus et interrogatus
ad bancum malleficiorum in palatio veteri super dicta inquisitione et contentis in
ea, dixit et confessus fuit quod ipse est heres suprascripte domine Iacobe olim uxoris
sue et quod corpus eius sepultum fuit ad ecclesiam Sancte Marie maioris tempore
in dicta inquisitione contento, et dixit quod ipse non fecit pulsari campanas ipsius
ecclesie Sancte Marie maioris et quod donnus Pace frater eius naturalis est canonicus
dicte ecclesie Sancte Marie et nescit si pulsari fecit ipsas campanas, et quod
ipse nescit nec credit quod pulsate fuerint ad martellum.
Qui Bactagluççius promisit stare mandatis dicti domini potestatis et sue curie
seu solvere omnem condemnationem que eo fieret occasione predicta.
Iacobus domini Ugolini Alberti cappelle Sancte Marie maioris fideiussorem pro
eo et cetera approbatus per Lombardum approbatorem dicti comunis.
Die vigesimoprimo maii.
Dicto Bactagluççio datus et assignatus fuit terminus quactor dierum ad omnem
suam defensionem faciendam de predictis.
Die vigesimooctavo maii.
Dicto Bactagluççio presenti et petenti data est secunda dilatio dierum trium ad
suam defensionem faciendam de predictis.
Die vigesimooctavo maii.
Intendit probare Bactagluççius filius domini Petroboni de Bactagluççis ad sui
defensionem super eo quod inquisitum est contra eum per dictum dominum potestatem
et eius curiam ipsum fecisse sive fieri fecisse pulsari campanas ad martellum
tempore mortis domine Iacobe condam uxoris dicti Bactagluççi.
Im primis quod domina Alpexana filia domini Iohannis Cambii est uxor domini
Petroboni de Bactagluççis et eam retinuit pro sua uxore iam sunt triginta anni et
ultra ornatam indumentis ut alii cives tenent uxores eorum.
Item quod Bactagluççius predictus est filius predicti domini Petroboni et predicte
domine Alpexane et quod natus fuit ex predictis.
Item quod predictus dominus Petrobonus et dicta domina Alpexana retinuerunt
dictum Bactagluçium pro eorum filio toto tempore vite dicti Bactagluççi ut
alii tenent suos filios pro filiis, vocando eum suum filium et ipse vocando eum
suum patrem.
Item quod de predictis omnibus et singulis est publica vox et fama.
Porrecta fuit dicta intentio dicto vicario ad bancum pallatii veteris dicta die.
Die trigesimo maii.
Retulit Petrus Iohannis numptius comunis citasse et invenisse et pignorasse dominum
Robacontem de Pançonibus, dominum Cambium domini Ugolini Osberti,