Notiziario quadrimestrale dei Comuni di Baselga di Piné, Bedollo ...

Pinè Sover Notizie
La desmalgada
Bedol en festa squert de fiori
bronzini, bocioni de tuti i colori
El te regala en moment de star lì a pensar
dei nosi vecioti e de tut el so laorar
Quande i levava la matina sempro pù prest
e i tirava for i ordegni, ogni dì sempro lo stes:
molger, netar la stala e po’ guernar le vache
fin che le gambe le ghe feva mal e le se piegava strache
I tirava la cinghia quande no ghera nient de magnar
e i cercava en del casetin dela vedrina qualcos de zacar
Anca na grosta de formai o en toc de pan dur
pur de gaver en de la pancia qualcos de sicur
Par trovarse la sera en tora a la fornasela
scaldarse le man e vardar en la padela
coi quatro fasoi che i se scondeva en tra le rave
che i ghe sgionfava la pancia e i ghe empieniva le braghe
Recordar quei momenti me fa tremar el cor
se penso a lori che i na dat tut el so amor
E quande tuti en sema ne trovan chi al Central
a festegiar la desmalgada, scomenzian a parlar
de i nosi vecioti che sicur i è chi che i varda
ste vache en fiorade e la malga che i descarga
E na lagrima dai oci i se lasa scampar
parchè le so storie i voria ne contar
De quande le patate co la scorza i cercava en la tera
par poder en pienir la pancia quant che lè vera
Senza far crodar gnanca na migola de sto magnar
parchè el doveva bastar anca par el disnar
No come i nosi fioi che i varda ben en del piat
e se el magnar le en po’ brusà i fa na ficia e i dis che nol ghe pias
i fa finta de gnent i mete tut en scarsela
e senza farse veder i trà tut en la patumiera
I nosi vecioti i sta li parlar
de tute ste robe moderne che poden realizar
E i dis soto voze “ma el mondo lè cambià den bel pochetin,
parchè tuta sta gent no la cerca pu de magnar en de col casetin!”
62
Svaldi Andrea