I MALAVOGLIA - Kesiev

Nunziata Vegnu subitu!....... Aiu dassatu fratitta ma m’attizza u focu.
Alfio Bonasira a tutti!
Tutti Bonasira!
Zoppidda U sapiti a Vespa giura ca idda ad Alfiu Mosca nun l’ha volutu e sapiti
pecchì? Pecchì idda ci ha na Chiusa e iddu sulu nu carrettu e nu ciucciu;
ma dicimuci a verità, u sapimu tutti ca a furbacchiona ha jettatu l’occhi
subbra u zianu o megghiu subra i sordi du zianu!
Nunziata Si u cunpara Alfiu fussa nu riccona, vidi comu a Vespa ci jerra arretu!
Ti dicu ‘na cosa, si eu fussa cchiù randa, mu spuserra. Alfiu è tantu bravu e
bonu.
Mena (vorrebbe dire qualcosa, ma tace)
Anna U zu Crocifissu a Vespa sa minta intra a bugia.
Zoppidda Precisamente chiddu chi vò a Vespa cu a scusa ca ci porta vuccuni boni e
sapuriti, Campana e lignu ce l’ha sempre casa a casa.
E iddu mangia e nun dicia nenta; tantu chi ci custa? Idda l’ingrassa propriu
comu nu porceddu, quandu ci si vò fara a festa. U zu Crocifissu si lamenta
sempra, sa ciangia cchiù e Cristu menzu ai latruni e intantu i sordi a palati i
fa iddu, nun eu. Sapiti, nu jornu chi nun si sentiva tantu bonu, jivi mu trovu
e sutt’u lettu c’era ‘na cascia randa accussì, sicuramenta era jina e sordi.
(Vedendo zio Crocifisso) Bonasira! (saluta tutte le donne e se ne va)
Anna Sta cunna e Zoppidda, all’ura chi t’adduni, ta trovi davanti, senza mai sapira
e duva è spuntata fora, propriu comu ‘na fantascima.
Maruzza Eu vulerra ma sacciu pecchì camina sempra scaza; nun pensu ca ci mancanu i
sordi ppè nu paru e scarpi.
Grazia Certu ca no! Ma viditi si si minta i scarpi, finìu tuttu u scopu soi.
Anna Quala scopu?
Grazia Taliara…… Ascoltara senza essere viduta né sentuta! E poi cittu cittu a chiazza
a pendinu jetta bandu.
Locca Vucca amara sputa fela!
Grazia A cummara Venera a vucca ci l’ha amara ppè davveru! Ci ha ‘na figghia
tantu superba e sgarbata. E ciò nonostante volerra ma ci ha duna a nu
principa reala.
Nunziata U cumpara Alfiu si sta cucinandu i favi.
Mena Iddu è comu a tia, povari guagliuni, nun aviti nessunu chi vi fa trovara prontu
nu piattu e minestra, quandu a sira vi ricogghiti stanchi.
Nunziata E’ propriu veru! Ma tu u sai ca Alfiu nun sulu si fa e mangiara, ma si
arrepezza i cammisi e si fa puru a vucata? Ed è accussì precisu che mancu
‘na fimmina!
Mena Vò dira ca quandu si ‘nzura a mugghiera va in giru cu u carru e iddu sta a ra
casa a fara i servizzi e ad accudira i figghi……Sé, tu ci vai a ra festa di
morti?
Nunziata No! Nun pozzu dassara i frati mei a ra casa suli!
Mena U nunnu ha dittu ca si l’affara di luppini va in portu, nui ci jiamu!
Cumpara Alfiu ci va ogni annu ppé vindira i nuci; chissà si ci va puru
aguannu?
Alessi Nunzià, veni ca a cassarola vugghia.
Nunziata Ciau, ni vidimu! Bonasira!
Mena Ciau!
Grazia E’ ura ma mi ricogghiu.
Locca Puru ppé mia!
Maruzza Bonasira! Mi ‘nde trasu puru eu!
9