I MALAVOGLIA - Kesiev

sfamara. Ha giudiziu comu ‘na fimmina randa e ha appena tridici anni.
A propositu, ‘ncuna e vui l’ha vista, sapiti duv’è?
Anna E’ juta a ra Sciara ma fa ‘na vrancatedda e ligna.
Maruzza A chist’ura?
Anna Prima è stata a ru lavatoiu a lavara du’ panniceddi e ha fattu tardu.
Maruzza E’ sula?
Anna No, c’è Alessi cu idda.
Maruzza Menu mala!
Locca Mena nun si vida ancora!
Grazia A cummaredda nun si vida, ma si senta.
Anna Sta a ru tilaru da mattina a ra sira, propriu comu Sant’Agata.
Maruzza I guagliuni l’hai abituara da quandu su picciri, si no quandu diventanu randi
i masculi passanu u tempu all’osteria e i fimmini a ra finestra. E comu
dicianu l’antichi: a donna affacciata a ra finistra, nun fara mai festa!
Anna Ppé quantu ‘nde sacciu eu, su propriu chissi chi trovanu maritu; figghiuma,
per esempiu, si è fattu accalappiara da Mangiacarrubba, una e chiddi chi
stannu sempra a ra finestra.
Zoppidda A Mangiacarrubba è propriu ‘na sfacciata. Si è fatta passara sutta a finestra
tuttu u paisa: Vanni Pinzutu ci regalava nu panareddu e ficundiani, chi avia
appena arrobbatu a Massaru Filippu; poi tutti dui ‘nzema e ‘n santa pacia
i mangiavanu a ra vigna sutta l’ammendulara. L’aiu eu visti cu l’occhi mei,
u pozzu giurara; Peppi Nasu, u gucceri, quandu a civetta s’a facia cu Marianu
Cinghialenta, ppé gelosia, quandu macellava ‘na bestia, ppé spregiu ci jettava
i corna davanti a porta; si che si dicìa ‘n giru ‘Peppi Nasu s’è pettinato sutta
a finestra da Mangiacarrubba.
Anna Don Giammaria dicia ca è peccatu mortala sparrara du prossimu.
Zoppidda U previta è megghiu si certi predichi ci fa a ra soru, quandu fa a cotraredda
cu don Silvestru o cu u Brigaderi. Povara donna Rosolina brama nu maritu
comu nu morzu e pana, quandu è dijuna. E intantu l’anni passanu e u grassu
criscia.
Anna Comu vò Diu! Quandu moriu chidda bon’anima e maritumma Roccu
m’arrivava a mala pena a ri jinocchi e i soriceddi soi eranu tutti cchiù picciri e
no ppé chissu eu mi perdivi d’animu. E’ propriu veru ai guai si fannu i caddi
e ci dannu a forza e faticara e tirara avanti: I figghi mei finu a quandu ci
sunnu petri a ru lavatoiu u pana nun ci pò mancara, ‘nde sugnu sicura.
Zoppida Nun è ca Roccu vi duna ‘na manu, anzi, appena tena du’ sordi si spara
a ra putica cu l’amici. Nun va pigghiatira a mala ma chissa è a sacrosanta
verità, u Vangelu da Missa.
Grazia Mena ha stutatu a candila.
Zoppidda Cummara Marù, staviti già pensandu ma a maritati sta quagliuna?
Ha già diciott’anni; u sacciu pecchì è nata u stessu annu e figghiama.
Locca E Barbara ci l’ha u zitu?
Zoppidda No! China vò a figghiama ha da piacira prima a mia!
Maruzza Cchiù che giustu!
Anna Eccu, Nunziatedda!
Locca Nun ti spagnavi a ru voscu a chist’ura?
Alessi E pecchì s’avia e spagnara? C’eru eu cu idda!
Zoppidda Sti dui vannu troppu d’accordu, vu dico eu
Grazia Menù, ha chiudisti a jornata?
Mena Ppé oia aiu mintuto u tilaru a riposu. Nunziaté, doppu chi hai mintutu
a cassarola subra u focu, veni nu poco ca?
8