I MALAVOGLIA - Kesiev

Alfio Nun ni potimu lamentara! E vui?
Alessi Eu sugnu na vota ccà, na vota ddà; insomma mi guadagnu u pana luntanu
da casa e tornu sulu u sabatu.
Alfio Vi ricordati quandu mi ‘nde jivi a ra Bicocca? Vui staviavu ancora a ra casa
du Nespulu….. D’allora su cambiati tanti cosi…. E’ propriu veru: il mondo
è tondo, chi nuota e chi va a fondo.
Mò mi ‘nde vaiu! Quandu unu dassa u paisa soi, è megghiu si nun torna cchiù
pecchì ogni cosa cambia faccia, mentre si è luntani; e quandu torna è nu
foristeri.
Alessi Appena mi mintu nu pocu e sordi e banda, mi spusu ccu Nunziata.
Alfio E faciti bonu. Nunziata è ‘na bravissima guagliuna.
Alessi E poi ni volimu accattara a casa du Nespulu e u nunnu starà ccu nui; a ra casa
nostra c’è postu ppè tutti, ppé Ntoni e ppé Lia e si torna u patra e
Nunziata, c’è postu puru ppe iddu.
Padron Ntoni No, no a casa nun ni serva cchiù! Mena nun si po’ maritara; tu ti ‘nzuri e ti
‘nde vai chissù duva; di Malavoglia nun c’è cchiù nessunu; restu sulu eu,
pecchì i sfortunati hanno i jorna longhi; ma prima o poi puru eu chiudu
l’occhi, e allora a casa a chi ti serva?
SCENA XXI
(Alfio, Nunziata, Padron Ntoni, Pedepapera, Don Silvestro, Zio Crocifisso, Padron Cipolla, Grazia)
(Alfio e Nunziata accompagnano all’ospizio Padron ‘Ntoni)
Pedepapera A comu viu, si dicidiru ma portanu u vecchiu a ru spiziu.
Don Silvestro Hannu fattu bonu, si no u Comuna paga i rati ppé nenta!
Zio Crocifisso Armenu stu povaru diavulu va a stara in pacia.
Padron Cipolla Necessità abbassa nobiltà!
Pedepapera (rivolto alla moglie che piange)
E tu pecchì ciangi? Guarda ca eu nun sugnu mortu ancora, ‘n grazze e Diu!
Zio Crocifisso Nui, invecia, nun potimu stara mancu intra a casa nostra, pecchì chiddi
carogni e fimmini, ni ‘nde caccianu fora.
Eh, padron Fortunatu, china l’averra dittu? C’è gente chi u matrimoniu u
cerca ccu a lanterna, e china c’è dintra, si ‘nde vò liberara.
Padron Cipolla Eh, sì, u matrimoniu è comu ‘na tagghiola,u suricia chi c’è dintra, volerra
ma nescia e chiddi chi stannu fora, ci giranu tutti attorno ppé ma ci ponnu
trasira.
Zio Crocifisso A mia mi sembranu tutti pacci! Per esempiu, a don Silvestru chi ci manca,
eppuru nun fa atru ca aspettara ca Barbara Zoppidda ci cada a ri pedi soi.
Padron Cipolla E già!
(Nunziata ed Alfio sono di ritorno dall’ospizio)
Alfio E china sa cridia ca finia a sta manera? A cummara Mena nun è cchiù a stessa,
sembra ‘n’atra perzuna. E’ veru, quandu unu dassa u paisa soi, è megghiu si
nun ci torna mai cchiù! Vidi, eu m’aiu accattatu u mulu e aiu tuttu chiddu chi
aiu sempra desideratu; eppuru nun fazzu atru ca penzara a tutti i sirati passati
a chicchiariara e ‘na porta all’atra, mentra governavu l’asinu o a quandu da
finestra mia vidia u luma appiccicatu a ra casa du Nespulu.
Mò nun c’è cchiù nessunu: Padron Ntoni, approfittandu e l’assenza di neputi,
ha volutu essara portatu a ru spiziu, Ntoni è in galera e Lia …..
Nunziata China u sa duv’ è chidda povara guagliuna?
Alfio Eu l’aiu vista!
76